സൗദി: സൗദി അറേബ്യയിൽ വധശിക്ഷാ നിരക്ക് കുത്തനെ കൂടുന്നതായി റിപ്പോർട്ട്. കഴിഞ്ഞ ആറുവർഷത്തിനിടെ വധശിക്ഷ ഏകദേശം ഇരട്ടിയായി വർദ്ധിച്ചതെന്ന് ദേശീയ മാദ്ധ്യമങ്ങൾ റിപ്പോർട്ട് ചെയ്യുന്നു. രാജ്യത്തിന്റെ ചരിത്രത്തിലെ ഏറ്റവും രക്ത രൂക്ഷിതമായ ആറ് വർഷങ്ങളാണ് കടന്ന് പോയതെന്നാണ് ഈ മാറ്റം. മുഹമ്മദ് ബിൻ സൽമാൻ അധികാര കസേരയിൽ ചുവടുറപ്പിച്ചതോടെയാണ് ഈ മാറ്റം.
കിരീടാവകാശിയുടെ രാഷ്ട്രീയ എതിരാളികളെ മൊത്തത്തിൽ അടിച്ചമർത്തുകയും വിയോജിപ്പുകളോട് സഹിഷ്ണുത കാണിക്കാതിരിക്കുകയും ചെയ്തതോടെയാണ് വധശിക്ഷയുടെ എണ്ണം കുത്തനെ കൂടിയത്. രാജ്യത്ത് വ്യാപകമായ പരിഷ്കാരങ്ങൾ ഏർപ്പെടുത്താൻ ശ്രമം ഉണ്ടായിട്ടുകൂടി വധശിക്ഷകളുടെ എണ്ണം ഇത്തരത്തിൽ വർദ്ധിച്ചത് അപലപനീയം തന്നെ.
2015 നും 2022 നും ഇടയിൽ, ഓരോ വർഷവും ശരാശരി 129 വധശിക്ഷകൾ നടപ്പാക്കിയിട്ടുണ്ട്. 2010-14 കാലയളവിൽ നിന്ന് 82% വർദ്ധനവാണ് ഉണ്ടായിരിക്കുന്നത്. കണക്കുകൾ പ്രകാരം കഴിഞ്ഞ വർഷം, 147 പേരെ വധിച്ചു അവരിൽ 90 പേർ ഗുരുതരമായ കുറ്റകൃത്യങ്ങൾ ചെയ്തവരല്ലെന്നതാണ് ഏറെ ദു:ഖകരമായ കാര്യം. ആക്ടിവിസ്റ്റുകൾക്കുള്ള മറുപടിയെന്നോളം കഴിഞ്ഞ വർഷം മാർച്ച് വരെ 81 പുരുഷന്മാരെയാണ് വധശിക്ഷയ്ക്ക് ഇരയാക്കിയത്.
”സൗദി അറേബ്യയുടെ വധശിക്ഷയുടെ ഉപയോഗം വിവേചനവും അനീതിയും നിറഞ്ഞതാണ്, സൗദി ഭരണകൂടം അതിന്റെ ഉപയോഗത്തെക്കുറിച്ച് അന്താരാഷ്ട്ര സമൂഹത്തോട് കള്ളം പറയുകയാണെന്ന് യൂറോപ്യൻ സൗദി ഓർഗനൈസേഷൻ ഫോർ ഹ്യൂമൻ റൈറ്റ്സ് ആൻഡ് റിപ്രീവ് എന്ന രണ്ട് സംഘടനകൾ തയ്യാറാക്കിയ റിപ്പോർട്ട് ആരോപിക്കുന്നു. ‘കൊലപാതകങ്ങൾ പോലുള്ള ഗുരുതര കുറ്റകൃത്യങ്ങൾക്ക് മാത്രമേ മാത്രമേ വധശിക്ഷ നൽകൂ എന്ന് കിരീടാവകാശിയുടെ വാഗ്ദാനങ്ങൾ ഉണ്ടായിരുന്നിട്ടും, മാരകമല്ലാത്ത കുറ്റകൃത്യങ്ങൾക്കും വിമതരെയും പ്രതിഷേധക്കാരെയും നിശബ്ദരാക്കാനും വധശിക്ഷ പതിവായി ഉപയോഗിക്കുന്നുവെന്ന് റിപ്പോർട്ട് കുറ്റപ്പെടുത്തുന്നു.
മുഹമ്മദ് രാജകുമാരൻ അസഹിഷ്ണുതയെ പുതിയ തലങ്ങളിലേക്ക് ഉയർത്തി. രാഷ്ട്രീയ, ബിസിനസ്സ് എതിരാളികൾ കൂട്ട തടങ്കലിനും സാമ്പത്തിക കുലുക്കത്തിനും വിധേയരാകുന്നു, രാജ്യം വിട്ടുപോയ ഉദ്യോഗസ്ഥരുടെ കുടുംബാംഗങ്ങൾ തടവിലാക്കപ്പെടുകയാണ്.
