ഭക്ഷ്യരംഗത്തെ മായം ചേർക്കൽ മസാല ഉത്പന്നങ്ങളിൽ രൂക്ഷമാണ്. എന്നാൽ ഇതൊന്നും അറിയാതെയാണ് മലയാളികൾ മസാലപ്പൊടികൾ കറികളിലൂടെ അകത്താക്കുന്നത്.
മുളക് പൊടിയില് ഇഷ്ടിക ചേര്ക്കാറുണ്ട് എന്ന് കേട്ടിട്ടില്ലേ? എന്നാല് അതിനേക്കാള് മാരകമായ സുഡാന് എന്ന രാസപദാര്ത്ഥമാണ് മുളക്പൊടിയില് ചേര്ക്കുന്നത്. മഞ്ഞളിന് മഞ്ഞനിറം കൂട്ടാന് ലെഡ് ക്രോമേറ്റ് ആണ് ചേർക്കുന്നത്. അതോടെ തൂക്കവും വർധിക്കുന്നു.
ജീരകത്തില് പുല്ക്കായ ചേര്ക്കുന്നു.പുൽക്കായക്ക് പുറമെ ജീരകത്തില് ക്ലോര്പെറിഫോസിന്റെയും സെപെര്മെത്രിന്റെയും അംശം ഉണ്ട്. സുഗന്ധവ്യന്ജങ്ങളുടെ കൂട്ടത്തിലെ പ്രധാനിയായ ഏലക്കയിലും ഉണ്ട് വില്ലൻ. ക്യൂനാല്ഫോസ് സെപെര്മെത്രിന്, ക്ലോര് പെറിഫോസ്, എത്തയോണ്, ലാംബ്ഡാ, സൈഹാലോത്രിന് എന്നിവയുടെ അംശമാണ് ഏലക്കയില് ഉള്ളത്. എന്നാൽ ഇത് മായം എന്നതിനേക്കാൾ ഉപരിയായി കീടനാശിപ്രയോഗം അതിരു കിടന്നതിനെ തുടര്ന്നുണ്ടാകുന്നതാണ്.
അവിടം കൊണ്ടും കഴിഞ്ഞില്ല മായം ചേർക്കലിന്റെ മായാലോകം . ചുവന്ന മുളകില് എത്തയോണ്, ബെഫെന്ത്രിന്, പ്രൊപെനോഫോസ് എന്നിവയുടെ അംശംമാണ് ഉള്ളത്. എത്തയോണ് ഓര്ഗാനോഫോസ്ഫെറ്റ് വിഭാഗത്തില് പെടുന്ന കീടനാശിനിയാണ്. ശരീരത്തിന് പ്രത്യേകിച്ച് നാഡി വ്യവസ്ഥകൾക്ക് അസ്വസ്ഥതകൾ ഉണ്ടാക്കുന്ന ഒന്നാണിത്.വെളിച്ചെണ്ണയില് ഈന്തപ്പനഎണ്ണ ചേര്ത്തുവിട്ടും ലാഭം കൊയ്യുന്നവരുമുണ്ട്.
മായം ചേർന്ന മസാലയുടെ അമിത ഉപയോഗം മൂലം ശരീരത്തിലെ ഹോര്മോണ് വ്യവസ്ഥ തകിടം മറിയുന്നു. സ്ത്രീകള്ക്കാണ് ഇതുമൂലം കൂടുതല് അപകടങ്ങള് ഉണ്ടാകുന്നത്.
