ഭക്ഷണം കഴിക്കുന്നത് ശാരീരിക ക്ഷമതയ്ക്കും ആരോഗ്യത്തിനും വേണ്ടിയാണെന്ന് എല്ലാവർക്കും അറിവുള്ള കാര്യമാണ്. എന്നാൽ നമ്മൾ കഴിക്കുന്ന ഭക്ഷണം ശാരീരികക്ഷമതയെ മാത്രമല്ല മാനസികാവസ്ഥയെയും ബാധിക്കും എന്ന കാര്യം ശ്രദ്ധിച്ചിട്ടുണ്ടോ?
കുടലിനെ നമ്മുടെ ‘രണ്ടാം മസ്തിഷ്കം’ എന്ന് വിളിക്കുന്നത് കാരണമില്ലാതെയല്ല. നമ്മുടെ കുടലിൽ വസിക്കുന്ന ട്രില്യൺ കണക്കിന് സൂക്ഷ്മാണുക്കളെ ഗട്ട് മൈക്രോബയോം എന്നാണ് അറിയപ്പെടുന്നത്. നമ്മുടെ നാഡീ, രോഗപ്രതിരോധ സംവിധാനങ്ങളുമായി ഈ സൂക്ഷ്മാണുക്കൾ ആശയവിനിമയം നടത്തുന്നുവെന്നാണ് ഗവേഷണങ്ങൾ പറയുന്നത്.
ഇത് നമ്മുടെ മൊത്തത്തിലുള്ള മാനസികാവസ്ഥയെ ബാധിക്കുന്നു. കുടലും മസ്തിഷ്കവും അങ്ങനെ ബന്ധപ്പെട്ടിരിക്കുന്നു എന്നാണ് ഇതിൽ നിന്ന് വ്യക്തമാകുന്നത്. കുടലിനോട് യോജിക്കുന്ന ഭക്ഷണങ്ങൾ കഴിക്കുമ്പോൾ നിങ്ങളുടെ മാനസികാവസ്ഥ കൂടുതൽ സുസ്ഥിരമാക്കാൻ കഴിയുമെന്നാണ് ഇതിനർത്ഥം. ബാക്ടീരിയ വെറുക്കുന്ന ഭക്ഷണങ്ങൾ കഴിക്കുന്നത് യഥാർത്ഥത്തിൽ മാനസികാവസ്ഥ വഷളാക്കും. ഇക്കാരണം കൊണ്ടു തന്നെ മാനസിക സമ്മർദ്ദവും ഉത്കണ്ഠയും ഉണ്ടായേക്കാം.
കുടലിലെ സൂക്ഷ്മാണുക്കൾ തലച്ചോറിലെ ന്യൂറോ ട്രാൻസ്മിറ്ററുകൾ ഉത്പാദിപ്പിക്കുന്നു, അത് മെമ്മറി, പഠനം, ശ്രദ്ധ, വൈകാരിക നിയന്ത്രണം തുടങ്ങിയ പ്രക്രിയകളിൽ സജീവമായി പങ്കെടുക്കുന്നു. അതുകൊണ്ടു തന്നെ പോഷകാഹാര അസന്തുലിതാവസ്ഥ മാനസികാവസ്ഥയെ വളരെയധികം ബാധിക്കുന്നു എന്നും അത് ഉത്കണ്ഠയ്ക്കും വിഷമത്തിനും കാരണമാകുന്നു എന്നും പറയപ്പെടുന്നു.
മാനസികാവസ്ഥയെ താൽക്കാലികമായി ആരോഗ്യത്തോടെ നിർത്താൻ കഴിയുന്ന ഭക്ഷണങ്ങളും ഉണ്ട്. എന്നാൽ പിന്നീട് ഈ ഭക്ഷണത്തിൻറെ പ്രവർത്തനം മാനസിക സമ്മർദ്ദത്തെ കുഴപ്പത്തിലാക്കിയെന്നും വരാം, മധുരപലഹാരം കഴിച്ചാൽ താത്ക്കാലികമായി സന്തോഷമുണ്ടാകും, എന്നാൽ പിന്നീട് ഊർജ്ജം കുറഞ്ഞ് ഉറക്കവും ക്ഷീണവും അനുഭവപ്പെടുന്നതായി പലർക്കും അനുഭവമുള്ള കാര്യമാണ്.
സ്ട്രെസ് ലെവലുകൾ ട്രിഗർ ചെയ്യുന്ന ഭക്ഷണങ്ങൾ ഉണ്ട് എന്നാണ് ഇതിനർത്ഥം. പ്രത്യേകിച്ച് തിരക്കുള്ള ദിവസങ്ങളിൽ ഇടയ്ക്കിടെ ഭക്ഷണം കഴിക്കുന്നത് ഒഴിവാക്കണമെന്നാണ് ആരോഗ്യ വിദഗ്ദധർ പറയുന്നത്. കേക്കുകൾ, പേസ്ട്രികൾ പോലുള്ള ഭക്ഷണങ്ങൾ രക്തത്തിലെ പഞ്ചസാരയുടെ അളവ് കൂട്ടുകയും കുറയ്ക്കുകയും ചെയ്യുന്നു. രക്തത്തിലെ പഞ്ചസാര കൂടുന്നത്, മാനസികാവസ്ഥ കൂടുതൽ വഷളാകുകയും ഉത്കണ്ഠയ്ക്ക് കാരണമാവുകയും ചെയ്യുന്നു.
കാപ്പി ഓവർഡോസ്
അമിതമായ കഫീൻ ഉപയോഗം ശരീരത്തെ അമിതമായി ഉത്തേജിപ്പിക്കും. ഇതിലൂടെ നിങ്ങളുടെ അഡ്രീനൽ ഗ്രന്ഥികൾക്ക് പ്രശ്നങ്ങൾ ഉണ്ടാക്കും. നാഡീവ്യവസ്ഥയെ ഉത്തേജിപ്പിക്കുന്നതിനാൽ, കഫീൻ രക്തസമ്മർദ്ദം വർദ്ധിപ്പിക്കുന്നതിനും ഹൃദയമിടിപ്പ് കൂട്ടുന്നതിനും കാരണമാകുന്നു. ഇത് ആത്യന്തികമായി ഉത്കണ്ഠ വർദ്ധിപ്പിക്കും.
ശുദ്ധീകരിച്ച കാർബോഹൈഡ്രേറ്റ്സ്
ഇവ ശരീരത്തിൻറെ വണ്ണം കൂട്ടുന്നതിനും, ശരീരത്തിൽ പഞ്ചസാരയുടെ അളവ് വർദ്ധിപ്പിക്കുന്നതിനും കാരണമാകുന്നു. ഇത് മനസ്സിന് അസ്വസ്ഥമാക്കുന്നതിനും സ്ട്രസിനും കാരണമാകുന്നു. അ
വറുത്ത ഭക്ഷണം
വറുത്ത ഭക്ഷണത്തിൽ ട്രാൻസ് ഫാറ്റിന്റെ അളവ് കൂടുതലാണ്. ശരീരം വണ്ണംവെയ്ക്കുന്നതിന് പ്രധാന കാരണം ട്രാൻസ് ഫാറ്റ് ആണ്. ശരീരത്തിന് വണ്ണം കൂടുകയാണെങ്കിൽ സമ്മർദ്ദം വർദ്ധിക്കും.
മധുരപലഹാരങ്ങൾ
പഞ്ചസാരയോട് ഇഷ്ടമുള്ളവർ അതൊഴിവാക്കാനായി കൃത്രിമ മധുരപാലഹാരങ്ങൾ പകരമായി കഴിച്ചേക്കാം. ഇത് മാനസികവാസ്ഥയെ ബാധിക്കാവുന്ന ഭക്ഷണരീതിയാണ്. ഇതിലൂടെ സമ്മർദ്ദം ഉണ്ടായേക്കാം.
Discussion about this post