‘ജനങ്ങൾ വോട്ട് ചെയ്തത് വികസനത്തിനും സുസ്ഥിരതയ്ക്കും‘: ത്രിപുരയുടെ വളർച്ച ലക്ഷ്യമിട്ടുള്ള നടപടികൾ തുടരുമെന്ന് പ്രധാനമന്ത്രി

ന്യൂഡൽഹി: ത്രിപുരയിൽ ബിജെപിക്ക് ഭരണത്തുടർച്ച നൽകിയ ജനങ്ങൾക്ക് നന്ദി പറഞ്ഞ് പ്രധാനമന്ത്രി നരേന്ദ്ര മോദി. ജനങ്ങൾ വോട്ട് ചെയ്തത് വികസനത്തിനും സുസ്ഥിരതയ്ക്കുമാണ്. ത്രിപുരയുടെ വളർച്ച ലക്ഷ്യമിട്ടുള്ള നടപടികൾ തുടരുമെന്നും പ്രധാനമന്ത്രി പറഞ്ഞു.

ത്രിപുരയിൽ ബിജെപിയെ വിജയത്തിലെത്തിച്ച വോട്ടർമാർക്ക് നന്ദി പറയുന്നതായി കേന്ദ്ര ആഭ്യന്തര മന്ത്രി അമിത് ഷാ അറിയിച്ചു. ബിജെപി ദേശീയ അദ്ധ്യക്ഷൻ ജെ പി നദ്ദ, ത്രിപുര മുഖ്യമന്ത്രി മണിക് സാഹ, ത്രിപുരയിലെ ബിജെപി പ്രവർത്തകർ തുടങ്ങിയവരുടെ അക്ഷീണ പ്രയത്നത്തിന്റെ ഫലമാണ് ഈ വിജയം. പ്രധാനമന്ത്രി നരേന്ദ്ര മോദി മുന്നോട്ട് വെക്കുന്ന വികസന രാഷ്ട്രീയത്തിന് ജനങ്ങൾ നൽകിയ അംഗീകാരമാണ് ഈ വിജയമെന്നും അദ്ദേഹം പറഞ്ഞു.

Congratulations to Shri @JPNadda Ji, Tripura CM @DrManikSaha2, Shri @Rajib4BJP, and the karyakartas of @BJP4Tripura whose tireless efforts secured BJP's victory.

It is evident again that for development and prosperity, BJP led by PM @narendramodi is people’s preference.

— Amit Shah (Modi Ka Parivar) (@AmitShah) March 2, 2023

ത്രിപുരയിലും നാഗാലാൻഡിലും വിജയം നേടാൻ സാധിച്ചതിനൊപ്പം, മേഘാലയയിൽ സീറ്റുകളുടെ എണ്ണം വർദ്ധിപ്പിക്കാനും ബിജെപിക്ക് കഴിഞ്ഞതായി രാജ്യരക്ഷാ മന്ത്രി രാജ്നാഥ് സിംഗ് പറഞ്ഞു. മൂന്ന് സംസ്ഥാനങ്ങളിലെയും ജനങ്ങൾക്ക് നന്ദി അറിയിക്കുന്നു. മേഘാലയയിൽ ബിജെപി സർക്കാർ രൂപീകരിക്കാനുള്ള സാദ്ധ്യതകൾ തള്ളിക്കളയാനാവില്ലെന്നും അദ്ദേഹം പറഞ്ഞു.

#WATCH | Be it Tripura or Nagaland, in fact in Meghalaya also our seats have increased…BJP has earned a glorious victory & I thank people of all 3 states for that…the possibility of two-third govt cannot be neglected: Defence Minister Rajnath Singh pic.twitter.com/N7s38Z2tmI

— ANI (@ANI) March 2, 2023