ചെന്നൈ; തെന്നിന്ത്യൻ നടൻ പ്രഭാസിന്റെ ആരോഗ്യസ്ഥിതി മോശമായെന്ന് റിപ്പോർട്ട്. ശാരീരിക ബുദ്ധിമുട്ടുകളെ തുടർന്ന് സിനിമ ചിത്രീകരണത്തിൽ നിന്ന് ഇടവേള എടുത്ത നടൻ ചികിത്സയ്ക്കായി വിദേശത്തേക്ക് പോയെന്നാണ് വിവരങ്ങൾ പുറത്ത് വരുന്നത്. നേരത്തെ കടുത്ത പനിയെ തുടർന്ന് ചികിത്സ തേടിയിരുന്നുവെങ്കിലും സുഖം പ്രാപിച്ചിരുന്നില്ല.
മാസങ്ങൾ നീണ്ട വിശ്രമമമില്ലാത്ത ഷൂട്ടിങ്ങുകൾ നടന്റെ ആരോഗ്യസ്ഥിതിയെ മോശമാക്കിയെന്നാണ് റിപ്പോർട്ട്. എന്താണ് നടൻ നേരിടുന്ന രോഗാവസ്ഥ എന്നത് സംബന്ധിച്ച വിവരങ്ങളൊന്നും തന്നെ പുറത്തു വിട്ടിട്ടില്ല.
പ്രഭാസിന്റെ ഫിറ്റ്നസിനെക്കുറിച്ച് നേരത്തെയും ആരാധകര് സംശയം പ്രകടിപ്പിച്ചിരുന്നു. ഒന്നിലധികം പ്രോജക്ടുകളിൽ തുടർച്ചയായി പ്രവർത്തിക്കുന്ന താരം ഏറെ നാളായി ഇടവേള എടുത്തിട്ടില്ലായിരുന്നു.
ഈ ഫെബ്രുവരിയിൽ തന്നെ അദ്ദേഹത്തിന്റെ ശരീരോഷ്മാവ് ക്രമാതീതമായി വർദ്ധിച്ചതായും അതൊന്നും കാര്യമാക്കാതെ ജോലിയിൽ ശ്രദ്ധിച്ചതാണ് കാര്യങ്ങൾ കൈവിട്ട് പോകാൻ കാരണമെന്നും നടനോട് അടുത്ത വൃത്തങ്ങൾ വെളിപ്പെടുത്തി.
പ്രഭാസിന്റെ ആരോഗ്യനില മോശമായതു മൂലം ഷൂട്ടിംഗ് താല്ക്കാലികമായി നിര്ത്തിവച്ചിരിക്കുകയാണെന്നാണ് റിപ്പോര്ട്ട്.
Discussion about this post