തിരുവനന്തപുരം: ത്രിപുരയിൽ നടക്കുന്ന അക്രമസംഭവങ്ങളിൽ പ്രതിഷേധം പ്രകടിപ്പിച്ച് മുഖ്യമന്ത്രിയുടെ ഫേസ് ബുക്ക് പോസ്റ്റ്. പോലീസ് നിഷ്ക്രിയമാണെന്നും ക്രമസമാധാനം തകരാറിലായെന്നും മുഖ്യമന്ത്രി ഫേസ്ബുക്ക് കുറിപ്പിൽ സങ്കടപ്പെടുന്നുണ്ട്. ത്രിപുരയിലെ ആക്രമസംഭവങ്ങളിൽ പ്രതികരിക്കാൻ ജനാധിപത്യ സമൂഹം ഒറ്റക്കെട്ടായി മുന്നോട്ടുവരണമെന്നാണ് മുഖ്യമന്ത്രി ഫേസ്ബുക്ക് കുറിപ്പിലൂടെ ആഹ്വാനം ചെയ്യുന്നത്.
എന്നാൽ മുഖ്യമന്ത്രിയുടെ ഫേസ്ബുക്ക് പോസ്റ്റിന് താഴെ വലിയ പ്രതിഷേധമാണ് നടക്കുന്നത്. കൊച്ചിയിലെ വിഷപുകയിൽ പരിഹാരം കാണാനാണ് ആളുകൾ ആവശ്യപ്പെടുന്നത്. ത്രിപുരയുടെ കാര്യം നോക്കാൻ അവർക്കറിയാമെന്നും ഞങ്ങൾക്ക് ശ്വസിക്കണമെന്നും ആളുകൾ പോസ്ററിന് താഴെ പ്രതികരണം അറിയിച്ചിട്ടുണ്ട്. ത്രിപുരയല്ല കേരളത്തിന്റെ മുഖ്യമന്ത്രി കേരളത്തെ കുറിച്ച് കൊച്ചിയിൽ ജനങ്ങൾ പുകയുന്നതിനെക്കുറിച്ച് ചിന്തിക്കു പറയു എന്നാണ് ആളുകളുടെ ആവശ്യം.
പോസ്റ്റിൻറെ പൂർണ്ണരൂപം;
ത്രിപുരയിൽ സംഘപരിവാർ അക്രമബാധിത മേഖലകളിൽ സന്ദർശനം നടത്തുന്ന പ്രതിപക്ഷ എംപിമാരുടെ വസ്തുതാ അന്വേഷണ സംഘത്തിന് നേരെയുണ്ടായ ആക്രമണത്തിൽ ശക്തമായ പ്രതിഷേധം രേഖപ്പെടുത്തുന്നു. നിയമസഭാ തെരഞ്ഞെടുപ്പിനുശേഷം അതിരൂക്ഷമായ ആക്രമണങ്ങളാണ് പ്രതിപക്ഷ കക്ഷികൾക്കുനേരെ ത്രിപുരയിൽ അരങ്ങേറുന്നത്. പൊലീസ് നിഷ്ക്രിയത്വം മൂലം ക്രമസമാധാനം പാടേ തകർന്ന അവസ്ഥയാണ്. ത്രിപുരയിലെ സംഘപരിവാർ തേർവാഴ്ചയിൽ പ്രതിഷേധിക്കാനും സംസ്ഥാനത്തെ നിയമവാഴ്ച പുനസ്ഥാപിക്കാനും രാജ്യത്തെ ജനാധിപത്യ സമൂഹം ഒറ്റക്കെട്ടായി മുന്നോട്ടുവരണം.
Discussion about this post