ചരിത്രകാലത്തെ നിരവധി കെട്ടിടങ്ങള് നിര്മ്മാണശൈലി കൊണ്ടും വാസ്തുപരമായ പ്രത്യേകതകള് കൊണ്ടും പിന്നീട് പ്രധാന വിനോദ സഞ്ചാര കേന്ദ്രങ്ങളായി മാറിയിട്ടുണ്ട്. കാലക്രമേണ പഴക്കം മൂലം അവ പൊളിയുകയും നശിക്കുകയുമൊക്കെ ചെയ്യുന്നത് സ്വാഭാവികമാണ്. എന്നാലും ആളുകള്ക്ക് അവയെല്ലാം പോയകാലത്തിന്റെ സ്മാരണകളാണ്. വടക്കേ ഇന്ത്യയിലെ ഏറ്റവും വലിയ റെയില്വേ സ്റ്റേഷനുകളില് ഒന്നായ ചര്ബാഗ് റെയില്സ്റ്റേഷന് കെട്ടിടവും ഒരു ചരിത്രപ്രാധാന്യമുള്ളതും വാസ്തുഘടന കൊണ്ട് ശ്രദ്ധിക്കപ്പെടുന്നതുമായ ഒരിടവുമാണ്. കഴിഞ്ഞിടെ, റെയില്വേ മന്ത്രാലയം ഈ റെയില്വേ സ്റ്റേഷനെ കുറിച്ച് രസകരമായ ഒരു വിവരം പങ്കുവെച്ചു.
നവാബുകളുടെ നഗരമായ ചര്ബാഗില് സ്ഥിതി ചെയ്യുന്ന ലഖ്നൗ റെയില്വേ സ്റ്റേഷന് മുകളില് നിന്ന് നോക്കിയാല് ചെസ്സ് ബോര്ഡ് പോലെ തോന്നിക്കുന്ന മനോഹരമായ വാസ്തുവിസ്മയമാണെന്ന് നിങ്ങള്ക്കറിയാമോ എന്ന ചോദ്യത്തോടെയാണ് റെയില്വേ മന്ത്രാലയം ട്വിറ്ററിലൂടെ ആ രസകരമായ വസ്തുത പങ്കുവെച്ചത്. ഒപ്പം റെയില്വേസ്റ്റേഷന്റെ ചിത്രവും അവര് പങ്കുവെച്ചിട്ടുണ്ട്. സ്റ്റേഷനിലെ കുംഭഗോപുരങ്ങളും തൂണുകളുമാണ് കെട്ടിടത്തിന് ചെസ്സ്ബോര്ഡിന്റെ പ്രതീതി നല്കുന്നത്.
Discussion about this post