തിരുവനന്തപുരം: സംസ്ഥാനത്ത് കൊടും ചൂടിന് ആശ്വാസമായി കഴിഞ്ഞ ദിവസം പരക്കെ വേനൽമഴ ലഭിച്ചു. തെക്കൻ ജില്ലകളുടെ ചില ഭാഗങ്ങളിലും കിഴക്കൻ മേഖലകളിലുമാണ് മഴ കാര്യമായി ലഭിച്ചത്. ഇന്നും മിക്കയിടങ്ങളിലും ഇടിമിന്നലോട് കൂടിയുള്ള മഴയ്ക്ക് സാദ്ധ്യതയുണ്ട്.
മിക്കയിടങ്ങളിലും രാത്രിയിലും മഴ നീണ്ടു നിന്നതോടെ, താപനിലയിൽ നേരിയ കുറവ് വന്നിട്ടുണ്ട്. ഞായറാഴ്ച വരെ മിക്ക ജില്ലകളിലും നേരിയ തോതിൽ മഴ ലഭിക്കുമെന്നാണ് കാലാവസ്ഥാ നിരീക്ഷണ കേന്ദ്രം അറിയിക്കുന്നത്. വെള്ളി, ശനി ദിവസങ്ങളിൽ കണ്ണൂർ, കാസർകോട് ഒഴികെ എല്ലാ ജില്ലകളിലും നേരിയ തോതിൽ മഴ ലഭിക്കുമെന്ന് അറിയിപ്പിൽ പറയുന്നു.
ഞായർ, തിങ്കൾ ദിവസങ്ങളിൽ തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി ജില്ലകളിൽ മഴ ലഭിക്കുമെന്നും കാലാവസ്ഥാ നിരീക്ഷണ കേന്ദ്രം അറിയിപ്പ് നൽകുന്നു.
Discussion about this post