കൊച്ചി :ഓർഡിനറിയിലെ സുകു ഡ്രൈവറും ഇരവിയും, മല്ലു സിങ്ങിലെ അനിയും കാർത്തിയും, റോമൻസിലെ ഫാദർ പോളും ഫാദർ സെബുവും തുടങ്ങി നിരവധി കഥാപാത്രങ്ങളിലൂടെ പ്രേക്ഷകരെ പൊട്ടിചിരിപ്പിച്ച, ത്രില്ലടിപ്പിച്ച കുഞ്ചാക്കോ ബോബൻ- ബിജു മേനോൻ ഹിറ്റ് കൂട്ടുകെട്ട് വർഷങ്ങൾക്ക് ശേഷം ഒന്നിക്കുന്നുവെന്ന വാര്ത്ത കഴിഞ്ഞ ദിവസം ആരാധകര് ഇരു കൈയ്യും നീട്ടിയാണ് സ്വീകരിച്ചത്.
തന്റെ ഡ്രീം കോമ്പോയില് ഒന്ന് എന്ന് വിശേഷിപ്പിച്ചാണ് ബിജു മേനോന് ഒപ്പമുള്ള പുതിയ സിനിമയെ കുറിച്ച് കുഞ്ചാക്കോ ബോബൻ സാമൂഹ്യ മാദ്ധ്യമത്തില് പങ്കുവെച്ചിരിക്കുന്നത്. ബെസ്റ്റ് ആക്ടര്, എ.ബി.സി.ഡി., ചാർലി, നായാട്ട് തുടങ്ങിയ ഹിറ്റ് സിനിമകൾക്ക് ശേഷം മാർട്ടിൻ പ്രക്കാട്ട് സംവിധാനം ചെയ്യുന്ന ചിത്രത്തിലൂടെയാണ് കുഞ്ചാക്കോ ബോബൻ- ബിജു മേനോൻ ഹിറ്റ് കൂട്ടുകെട്ട് വർഷങ്ങൾക്ക് ശേഷം വീണ്ടും ഒന്നിക്കുന്നത്
‘നായാട്ട്’ എന്ന ഹിറ്റ് ചിത്രത്തിനു ശേഷം മാര്ട്ടിന്റെ സംവിധാനത്തില് കുഞ്ചാക്കോ ബോബൻ അഭിനയിക്കുന്നുവെന്ന പ്രത്യകതയുമുണ്ട് ഈ ചിത്രത്തിന്.
എന്റെ ഡ്രീം കോമ്പോയില് ഒന്ന്. എന്റെ അടുത്ത സുഹൃത്തുക്കളില് ചിലര്. ഇൻഡസ്ട്രിയിലെ മികച്ച ചിലര്. ‘നായാട്ടി’നു ശേഷം മാര്ട്ടി പ്രക്കാട്ടിന്റെ സംവിധാനം, രതീഷ് പൊതുവാളിന്റെ തിരക്കഥ, ഷൈജു ഖാലിദിന്റെ വിഷ്വല്സ്, എന്റെ എവര്ഗ്രീൻ ജോഡി ബിജു മേനോൻ എന്നും എഴുതിയാണ് പുതിയ സിനിമയെ കുറിച്ച് കുഞ്ചാക്കോ ബോബൻ തൻറെ ഫേസ്ബുക്ക് പേജിൽ കുറിച്ചിരിക്കുന്നത്. കുഞ്ചാക്കോ ബോബൻ പ്രൊഡക്ഷൻസ്, ഗ്രീൻ റൂം പ്രൊഡക്ഷൻസ്, മാര്ട്ടിൻ പ്രക്കാട്ട് ഫിലിംസ് എന്നീ കമ്പനികൾ സംയുക്തമായാണ് സിനിമയുടെ നിർമ്മാണം.
Discussion about this post