എറണാകുളം: പൂച്ചാക്കലിൽ അക്വേറിയം വൃത്തിയാക്കുന്നതിനിടെ ഷോക്കേറ്റ് 11 കാരന് ദാരുണാന്ത്യം. പാണാവള്ളി സ്വദേശികളായ ശരത്- സിനി ദമ്പതികളുടെ മകൻ അലൻ ( ഉണ്ണിക്കുട്ടൻ) ആണ് മരിച്ചത്. കഴിഞ്ഞ ദിവസം ഉച്ചയോടെയായിരുന്നു സംഭവം.
സംഭവ സമയം വീട്ടിൽ ആരും ഇല്ലായിരുന്നു. അയൽവീട്ടിലേക്ക് പോയ മുത്തശ്ശി തിരിച്ചെത്തിയപ്പോഴാണ് ഷോക്കേറ്റ നിലയിൽ കുട്ടിയെ കണ്ടത്. ഉടനെ ബഹളംവച്ച് ആളെ കൂട്ടുകയായിരുന്നു. ഓടിക്കൂടിയ ആളുകൾ കുട്ടിയെ അടുത്തുള്ള ആശുപത്രിയിൽ എത്തിച്ചു. എന്നാൽ ജീവൻ രക്ഷിക്കാനായില്ല.
പൂച്ചാക്കൽ പോലീസ് മേൽനടപടികൾ സ്വീകരിച്ചു. മണപ്പുറം സെന്റ് തെരേസാസ് സ്കൂൾ ആറാം ക്ലാസ്സ് വിദ്യാർത്ഥിയാണ് അലൻ. സഹോദരൻ അശ്വിൻ എട്ടാം ക്ലാസ് വിദ്യാർഥിയാണ്.
