ദൈവത്തിന്റെ കൈയ്യൊപ്പുള്ള മുഹൂർത്തം; വൈഷ്ണവിനെ ശിരസ്സിൽ കൈവെച്ച് അനുഗ്രഹിച്ച് ടീച്ചർ; ഈ വിജയത്തിന് തിളക്കം കൂടുതലാണ്

ശാരീരിക വൈഷമ്യങ്ങളെ അതിജീവിച്ച് നാഷണൽ മീൻസ് കം മെറിറ്റ് സ്‌കോളർഷിപ്പ് (എൻഎംഎംഎസ്) നേടിയ വൈഷ്ണവിനെ അഭിനന്ദിച്ച് എഴുത്തുകാരൻ ശ്രീജിത്ത് മൂത്തേടത്ത്. വൈഷ്ണവിനെ അവന്റെ ക്ലാസ് ടീച്ചർ വീട്ടിലെത്തി അഭിനന്ദിക്കുന്ന ചിത്രവും ഇതോടൊപ്പം അദ്ദേഹം പങ്കുവെച്ചിട്ടുണ്ട്. ദൈവത്തിന്റെ കൈയ്യൊപ്പുള്ള മുഹൂർത്തമെന്നാണ് ഈ ചിത്രത്തെ അദ്ദേഹം വിശേഷിപ്പിച്ചത്.

വൈഷ്ണവ് ടി.വി. എന്ന എട്ടാം ക്ലാസുകാരൻ ശരീരം പാരലൈസ്ഡ് ആണെങ്കിലും വീൽചെയറിന്റെ സഹായത്താൽ എന്നും ക്ലാസിലെത്തും. നന്നായി പഠിക്കന്ന വിദ്യാർത്ഥി. ഏറ്റവും നന്നായി പഠിക്കുന്ന കുട്ടികൾക്ക് മാത്രം എത്തിപ്പിടിക്കാവുന്ന വിജയമാണിത്.

തൃശൂർ ജില്ലയിൽ ഏറ്റവും കൂടുതൽ കുട്ടികൾ എൻഎംഎംഎസ് നേടിയിരിക്കുന്നത് വൈഷ്ണവിന്റെ ചേർപ്പ് സിഎൻഎൻ ബോയ്‌സ് ഹൈസ്‌കൂൾ ആണ്. എന്നാൽ കേരളത്തിലെ മുഴുവൻ സ്‌കൂളുകളിലെയും വിജയവുമായി താരതമ്യം ചെയ്താലും വൈഷ്ണവിന്റെ വിജയത്തിന്റെ തട്ട് താഴ്ന്നുതന്നെയിരിക്കും എന്നും പോസ്റ്റിൽ പറയുന്നു.

ഫേസ്ബുക്ക് പോസ്റ്റിന്റെ പൂർണരൂപം-

ഈ ചിത്രം നോക്കൂ…
ദൈവത്തിന്റെ കയ്യൊപ്പുള്ള മുഹൂർത്തമാണിതെന്ന് ഞാൻ പറയും.
ഇത്രയും സുന്ദരമായൊരു ചിത്രം അടുത്തൊന്നും കണ്ടിട്ടില്ല.
ശാരീരിക വൈഷമ്യങ്ങളെ അതിജീവിച്ച് National Means-cum-Merit Scholarship (NMMS) നേടിയ വൈഷ്ണവിനെ അവന്റെ ക്ലാസ് ടീച്ചർ വീട്ടിലെത്തി അഭിനന്ദിക്കുകയാണ്.
വൈഷ്ണവ് ടി.വി. എന്ന എട്ടാം ക്ലാസുകാരൻ ശരീരം പാരലൈസ്ഡ് ആണെങ്കിലും വീൽചെയറിന്റെ സഹായത്താൽ എന്നും ക്ലാസിലെത്തും. നന്നായി പഠിക്കും. ഏറ്റവും നന്നായി പഠിക്കുന്ന കുട്ടികൾക്ക് മാത്രം എത്തിപ്പിടിക്കാവുന്ന വിജയമാണല്ലോ NMMS.
തൃശൂർ വിദ്യാഭ്യാസ ജില്ലയിൽ ഏറ്റവും കൂടുതൽ കുട്ടികൾ NMMS നേടിയിരിക്കുന്നത് വൈഷ്ണവിന്റെ ചേർപ്പ് CNN ബോയ്‌സ് ഹൈസ്‌കൂൾ ആണ്.
അല്ലായെങ്കിലും കേരളത്തിലെ മുഴുവൻ സ്‌കൂളുകളിലെ NMMS വിജയവുമായി താരതമ്യം ചെയ്താലും വൈഷ്ണവിന്റെ വിജയത്തിന്റെ തട്ട് താഴ്ന്നുതന്നെയിരിക്കും.

അത്രയും തിളക്കമുണ്ട് ഈ വിജയത്തിന്.
അവന്റെ ചിരിക്ക് ആയിരം സൂര്യൻമാരുടെ ശോഭയുണ്ട്.
അഭിമാനമുണ്ട്. അച്ഛനമ്മമാരിലും മുത്തച്ഛനിലും അത് പ്രതിഫലിക്കുന്നുണ്ട്.
എത്ര മനോഹരമായ നിമിഷമാണിത്!
അവന്റെ ക്ലാസ് ടീച്ചറായ രജനി ടീച്ചർ ശിരസ്സിൽ കൈവെച്ചനുഗ്രഹിക്കുന്നു. ടീച്ചറുടെ മുഖത്തുമുണ്ട് പൗർണ്ണമിനിലാവിന്റെ തിളക്കമുള്ള വാത്സല്യപ്പാൽച്ചിരി.
നല്ലൊരു ചിത്രകാരൻ കൂടിയാണ് വൈഷ്ണവ് എന്ന് അവന്റെ ഹെഡ് മാസ്റ്റർ പ്രവീൺ മാഷുടെ fb പോസ്റ്റിൽ നിന്നും അറിയാൻ കഴിയുന്നു. സ്‌കൂൾ വൈഷ്ണവിന് നൽകുന്ന പിന്തുണ ആ postൽ നിന്നും വ്യക്തമാണ്.

വൈഷ്ണവിന്റെ Head Master Praveen Karalam മാഷുടെ fb post വായിക്കാം :
അവന്റെ ഒരു സന്തോഷം കണ്ടില്ലേ..!??
ശാരീരികമായ വൈകല്യങ്ങളും അവശതകളും മറികടന്ന്
NMMS പരീക്ഷ വിജയിച്ച വൈഷ്ണവ് ടി. വി യെ അവന്റെ വീട്ടിലെത്തി ക്ലാസ്സ് ടീച്ചർ അനുമോദിച്ചപ്പോൾ ????
അനുമോദന ചടങ്ങിൽ രജനിടീച്ചർ, സുനന്ദടീച്ചർ, ബിന്ദുടീച്ചർ എന്നിവർ പങ്കെടുത്തു.
Vaushnav’s body is paralysed. But he regularly attends classes and is a bright student. He is good at painting.

ഫേസ്ബുക്ക് പോസ്റ്റ്