ന്യൂയോർക്ക്: കെന്റക്കിക്ക് മുകളിലൂടെ പരിശീലന പറക്കൽ നടത്തുന്നതിനിടെ രണ്ട് യുഎസ് ആർമി ഹെലികോപ്റ്ററുകൾ കൂട്ടിയിടിച്ചതായി വിവരം. പ്രാദേശിക സമയം ബുധനാഴ്ച രാത്രിയാണ് സംഭവം. അപകടത്തിൽ ആളപായമുണ്ടോയെന്ന കാര്യം വ്യക്തമല്ല, ക്രൂ അംഗങ്ങളുടെ നില അറിവായിട്ടില്ലെന്നും കെന്റക്കി ഗവർണർ ആൻഡി ബെഷിയർ ട്വിറ്ററിൽ കുറിച്ചു.
അപകടമുണ്ടായ ഉടനെ തന്നെ രക്ഷാപ്രവർത്തനം ആരംഭിച്ചുവെന്നാണ് വിവരം. പതിവ് പരിശീലനപ്പറക്കലിനിടെയാണ് ആർമിയുടെ ഹെലികോപ്ററ്റുകൾ തമ്മിൽ കൂട്ടിയിടിക്കുന്നത്. എന്നാൽ അപകടം എങ്ങനെയാണ് ഉണ്ടായതെന്നോ ഹെലികോപ്റ്ററിൽ എത്ര പേർ ഉണ്ടായിരുന്നുവെന്നോ ഉള്ള വിവരങ്ങൾ അധികൃതർ പുറത്ത് വിട്ടിട്ടില്ല.
Discussion about this post