ഇസ്ലാമാബാദ് : പാകിസ്താനിൽ ഹിന്ദു യുവാവിനെ തട്ടിക്കൊണ്ട് പോയി. ബോൽ ന്യൂസ് ചാനലിലെ മാർക്കറ്റിംഗ് ഹെഡ് ആയി പ്രവർത്തിക്കുന്ന ആകാശ് റാമിനെയാണ് തട്ടിക്കൊണ്ട് പോയത്. ഇതിന്റെ സിസിടിവി ദൃശ്യങ്ങൾ പുറത്തുവന്നിട്ടുണ്ട്. വീടിന് മുന്നിൽ നിന്നാണ് ഇയാളെ കടത്തിക്കൊണ്ട് പോയത് എന്നാണ് വിവരം.
കറാച്ചിയിലെ ചാനൽ ആസ്ഥാനത്തിന് സമീപ പ്രദേശങ്ങളിൽ സ്ഥിരമായി കാണാറുള്ള ഒരു സിൽവർ നിറത്തിലുള്ള വാഹനത്തിലാണ് ഇയാളെ കടത്തിക്കൊണ്ട് പോയത്. ഏറെ നാളുകളായി ഇയാൾ ലീവിലായിരുന്നു. ഇതിന് പിന്നിൽ ആരാണെന്ന് വ്യക്തമായിട്ടില്ല.
The abduction of Bol News Marketing Head Akash a Hindu is highly condemnable. Akash has been absent for several days. He's said to have been kidnapped by unknown agencies. Though most likely to be establishment goons again..#آرٹیکل6_لگاو_ملک_بچاو#Nikkah#امپوررٹڈ_حکومت_نامنظور pic.twitter.com/ksFD5htxlp
— Mr Virgo ♍ (@awanz05) April 12, 2023
രാവിലെ എട്ട് മണിക്ക് ആകാശിനെ ആരോ തട്ടിക്കൊണ്ട് പോയെന്ന് ഇളയ മകൻ വന്നാണ് തന്നോട് പറഞ്ഞതെന്ന് ആകാശിൻെറ അമ്മ പറയുന്നു. പിന്നെ ആകാശിനെക്കുറിച്ച് ഒരു വിവരവും ലഭിച്ചിട്ടില്ല. പാകിസ്താന് വേണ്ടി നിരവധി സേവനകൾ ചെയ്ത വ്യക്തിയാണ് ആകാശ്. പാവങ്ങളെ സഹായിക്കാൻ അവന് ഒരു മടിയുമുണ്ടായിരുന്നില്ല. തനിക്ക് തന്റെ മകനെ തിരിച്ച് വേണമെന്നും മറ്റൊന്നും ആവശ്യമില്ലെന്നും അമ്മ പറഞ്ഞു. സ്വന്തം മകനെ തിരികെ ആവശ്യപ്പെടുന്ന അമ്മയുടെ വീഡിയോയും സമൂഹമാദ്ധ്യമങ്ങളിൽ പ്രചരിക്കുന്നുണ്ട്.
Discussion about this post