കട്ടപ്പന: വർഷങ്ങളായി പ്രവർത്തിച്ചിട്ടും സ്വന്തം ഗ്രാമത്തിലേക്ക് ഗതാഗത യോഗ്യമായ ഒരു റോഡ് പോലും ഒരുക്കിത്തരാൻ കഴിയാത്ത പാർട്ടി നിലപാടിനോട് പ്രതിഷേധിച്ച് ഇടുക്കി ഉദയഗിരിയിൽ സിപിഎമ്മിൽ നിന്നും കോൺഗ്രസിൽ നിന്നും പ്രവർത്തകരുടെ കൂട്ടരാജി. ഇനി മുതൽ ദേശീയതയ്ക്കൊപ്പം ബിജെപിയോട് ചേർന്ന് പ്രവർത്തിക്കാനാണ് ഇവരുടെ തീരുമാനം.
ഉദയഗിരിയിൽ നടന്ന പൊതുയോഗത്തിൽ ബിജെപി ഇടുക്കി ജില്ലാ അദ്ധ്യക്ഷൻ കെഎസ് അജിയുടെ സാന്നിദ്ധ്യത്തിലാണ് ഇവർ ബിജെപിയിലെത്തിയത്. 31 പേരുടെ പേരുകൾ സഹിതം സമൂഹമാദ്ധ്യമങ്ങളിലൂടെ പരസ്യപ്പെടുത്തിയായിരുന്നു പാർട്ടിമാറ്റം.
35 വർഷമായി തങ്ങൾ ഉപയോഗിച്ചുകൊണ്ടിരിക്കുന്ന ഉദയഗിരി -പനമൂട് റോഡ് ഗതാഗതയോഗ്യമാക്കാൻ പഞ്ചായത്ത് ഭരിച്ച ഇടത് -വലത് മുന്നണികൾക്ക് ഇതുവരെ സാധിച്ചിട്ടില്ലെന്ന് നാട്ടുകാർ പറഞ്ഞു. റോഡിന്റെ ആദ്യവസാനം സഞ്ചാര യോഗ്യമല്ലാത്തതിനാൽ നിരന്തരം പഞ്ചായത്തിനെയും സിപിഎം കോൺഗ്രസ് പാർട്ടികളെയും സമീപിച്ചിരുന്നു. എന്നാൽ ഇതുവരെയും ഇതിന് യാതൊരു നടപടിയും സ്വീകരിച്ചിട്ടില്ലെന്ന് പാർട്ടി വിട്ടവർ ചൂണ്ടിക്കാട്ടി.
Discussion about this post