അക്കൗണ്ട് വേരിഫിക്കേഷന് ഫീസ് ഏര്പ്പെടുത്തുമെന്ന ട്വിറ്ററിന്റെ പ്രഖ്യാപനം പ്രബല്യത്തില്. പ്രശസ്തയിലൂടെ അക്കൗണ്ട് വേരിഫിക്കേഷന് അടയാളമായ ബ്ലൂ ടിക് ലഭിച്ച പല പ്രമുഖരുടെ അക്കൗണ്ടുകളില് നിന്ന് കഴിഞ്ഞ ദിവസങ്ങളില് ബ്ലൂ ടിക് മാഞ്ഞു. അമിതാഭ് ബച്ചന്, ഷാരൂഖ് ഖാന്, വിരാട് കോഹ്ലി, യോഗി ആദിത്യനാഥ്, രാഹുല് ഗാന്ധി തുടങ്ങി ഇന്ത്യയില് നിന്നുള്ള നിരവധി പ്രമുഖര്ക്ക് മൈക്രോബ്ലോഗിംഹ് പ്ലാറ്റ്ഫോമായ ട്വിറ്ററിലെ ബ്ലൂ ടിക് വേരിഫിക്കേഷന് നഷ്ടമായി.
അപരന്മാരില് നിന്നും ഒരു വ്യക്തിയുടെ യഥാര്ത്ഥ അക്കൗണ്ട് വേര്തിരിച്ചറിയുന്നതിനുള്ള സംവിധാനമാണ് ട്വിറ്ററിലെ ബ്ലൂ ടിക്. ബ്ലൂ ടിക് വേരിഫിക്കേഷന് നിലനിര്ത്തുന്നതിന് ഇനിമുതല് ഓരോ മാസവും പണം നല്കേണ്ടി വരുമെന്ന് നേരത്തെ ട്വിറ്റര് വ്യക്തമാക്കിയിരുന്നു. ഇതുപ്രകാരമാണ് ഇപ്പോള് പണം നല്കാത്തവരുടെ അക്കൗണ്ടുകളില് നിന്ന് ബ്ലൂ ടിക് അപ്രത്യക്ഷമായിക്കൊണ്ടിരിക്കുന്നത്. ട്വിറ്ററില് ഏകദേശം 300,000 വേരിഫൈഡ് ഉപയോക്താക്കള് ആണ് ഉള്ളത്. ഇതില് ഭൂരിഭാഗവും മാധ്യമപ്രവര്ത്തകരും കായിക താരങ്ങളും പൊതുരംഗങ്ങളില് അറിയപ്പെടുന്ന വ്യക്തികളുമാണ്.
ബോളിവുഡ് താരങ്ങളായ ഷാരൂഖ് ഖാന്, അമിതാഭ് ബച്ചന്, ആലിയ ഭട്ട് അടക്കം നിരവധി പേര്ക്ക് കഴിഞ്ഞ ദിവസം ട്വിറ്റര് ബ്ലൂ ടിക് നഷ്ടമായി. ഉത്തര്പ്രദേശ് മുഖ്യമന്ത്രി യോഗി ആദിത്യനാഥ്, കോണ്ഗ്രസ് നേതാക്കളായ രാഹുല് ഗാന്ധി, പ്രിയങ്ക ഗാന്ധി എന്നിവര്ക്കും ക്രിക്കറ്റ് താരങ്ങളായ വിരാഹ് ക്ലോഹ്ലി, രോഹിത് ശര്മ്മ അടക്കമുള്ളവര്ക്ക് ബ്ലൂ ടിക് നഷ്ടപ്പെട്ടിട്ടുണ്ട്. ഇന്ത്യയില് മാത്രമല്ല, ലോകത്തെല്ലായിടത്തും പണം നല്കി ബ്ലൂ ടിക് സബ്സ്ക്രൈബ് ചെയ്യാത്തവരുടെ അക്കൗണ്ടുകളില് നിന്നെല്ലാം അക്കൗണ്ട് വേരിഫിക്കേഷന് അടയാളം നഷ്ടമാകുന്നുണ്ട്. മൈക്രോസോഫ്റ്റ് സ്ഥാപകന് ബില്ഗേറ്റ്സ്, ഫ്രാന്സിസ് മാര്പാപ്പ തുടങ്ങിയവരുടെയും ഒപ്ര വിന്ഫ്രേ, ജസ്റ്റിന് ബീബര്, കാതി പെറി, കിം കര്ദാഷിയാന് എന്നിവരുടെയും ട്വിറ്റര് അക്കൗണ്ടുകളില് നിന്ന് കഴിഞ്ഞ ദിവസം ബ്ലൂ ടിക് മാഞ്ഞിരുന്നു.
വ്യക്തികള്ക്ക് അക്കൗണ്ട് വേരിഫിക്കഷന് നിലനിര്ത്താന് പ്രതിമാസം 8 ഡോളറും സ്ഥാപനങ്ങള്ക്ക് ആയിരം ഡോളറും ഉദ്യോഗസ്ഥരുടെ അക്കൗണ്ടിന് 50 ഡോളറുമാണ് ട്വിറ്റര് പ്രഖ്യാപിച്ചിരിക്കുന്ന ഫീസ് ഘടന. അതേസമയം സെലിബ്രിറ്റികളുടെയും മാധ്യമപ്രവര്ത്തകരുടെയും അക്കൗണ്ടുകളില് നിന്ന് മാത്രമല്ല, നിരവധി സര്ക്കാര് ഏജന്സികള്, സംഘടനകള്, പൊതുസേവന അക്കൗണ്ടുകള് എന്നിവയുടെയും ബ്ലൂ ടിക് മാഞ്ഞിട്ടുണ്ട്.
Discussion about this post