കോട്ടയം: രാഹുൽ ഗാന്ധിയുടെ പേരിൽ ജഡ്ജിയമ്മൻ ക്ഷേത്രത്തിൽ വഴിപാട്. തിരുവിതാംകൂർ ദേവസ്വം ബോർഡിന് കീഴിലുള്ള കോട്ടയം ചെറുവള്ളി ദേവീ ക്ഷേത്രത്തിന്റെ ഉപദേവാലയമാണ് ജഡ്ജിയമ്മാവൻ കോവിൽ. കോൺഗ്രസ് ചെറുവള്ളി മേഖല കമ്മിറ്റി പ്രസിഡന്റ് ബിനേഷ് ചെറുവള്ളിയാണ് ജഡ്ജിയമ്മൻ കോവിലിലും പ്രധാന ക്ഷേത്രത്തിലും വഴിപാടുകൾ നടത്തിയത്. ചെറുവള്ളിയമ്മക്ക് പുഷ്പാഞ്ജലിയും കൊടുംകാളിക്ക് നടകുരുതി വറ വഴിപാടും ജഡ്ജിയമ്മാവന് അടനിവേദ്യവുമാണ് വഴിപാട് കഴിച്ചത്. രാഹുൽഗാന്ധി, മൂലം നക്ഷത്രം എന്ന പേരിലാണ് രസീത് വാങ്ങിയത്.
Discussion about this post