ബംഗളൂരു: കർണാടകയിൽ ബിജെപിയുടെ തിരഞ്ഞെടുപ്പ് പ്രചാരണങ്ങൾ മാറ്റ് കൂട്ടാൻ മഹാരാഷ്ട്ര മുഖ്യമന്ത്രി ഏകനാഥ് ഷിൻഡെയും. തിങ്കളാഴ്ച തിരഞ്ഞെടുപ്പ് പ്രചാരണത്തിനായി ഷിൻഡെ കർണാടകയിൽ എത്തുമെന്നാണ് റിപ്പോർട്ടുകൾ. നിലവിൽ ശക്തമായ പ്രചാരണ പരിപാടിയുമായി മുന്നോട്ട് പോകുകയാണ് ബിജെപി.
കാപു, ഉഡുപ്പി എന്നിവിടങ്ങളിലെ പ്രചാരണ പരിപാടിയിൽ ആണ് ഷിൻഡെ പങ്കെടുക്കുന്നത്. ഇവിടങ്ങളിലെ വാഹന ജാഥയിൽ അദ്ദേഹം പങ്കെടുക്കും. ജനങ്ങളെ നേരിട്ട് കണ്ട് ബിജെപിയ്ക്കായി വോട്ട് അഭ്യർത്ഥിക്കും. ബിജെപിയുടെ മറ്റ് പ്രചാരണ പരിപാടികളിലും പങ്കെടുത്തതിന് ശേഷമാകും ഷിൻഡെയുടെ മടക്കം.
കർണാടകയിൽ എത്തുന്ന ഷിൻഡെ ഉഡുപ്പിയിലെ ശ്രീ മഞ്ജുനാഥ സ്വാമി ക്ഷേത്രത്തിൽ ദർശനം നടത്തും. ക്ഷേത്ര ധർമ്മാധികാരി വീരേന്ദ്ര ഹെഗ്ഡെയുമായി അദ്ദേഹം കൂടിക്കാഴ്ച നടത്തും. ഉഡുപ്പിയിലെ മറ്റൊരു പ്രധാന ക്ഷേത്രമായ ശ്രീ കൃഷ്ണ ക്ഷേത്രത്തിലും അദ്ദേഹം ദർശനം നടത്തും.
കർണാടകയിൽ ഈ മാസം 10 നാണ് തിരഞ്ഞെടുപ്പ്. നിലവിൽ തിരഞ്ഞെടുപ്പിന്റെ അവസാനഘട്ട പ്രചാരണ പരിപാടിയിലേക്ക് കടന്നിരിക്കുകയാണ് ബിജെപി.
Discussion about this post