കോഴിക്കോട്: സ്വർണക്കടത്ത് കേസ് പ്രതി അർജ്ജുൻ ആയങ്കിയുടെ കൂട്ടാളി പിടിയിൽ. സ്വർണക്കടത്ത് സംഘത്തിൽ നിന്ന് സ്വർണം കവർച്ച ചെയ്യാനെത്തിയപ്പോഴാണ് അർജ്ജുന്റെ കൂട്ടാളിയായ കണ്ണൂർ സ്വദേശി മജീഫ്, എറണാകുളം സ്വദേശി ടോണി ഉറുമീസ് എന്നിവർ പിടിയിലായത്. സംഘത്തിലുണ്ടായിരുന്ന ബാക്കി നാല് പേർ ഓടിരക്ഷപ്പെട്ടു.
ഗവൺമെന്റ് ഓഫ് ഇന്ത്യ എന്ന സ്റ്റിക്കർ പതിച്ച വാഹനത്തിലാണ് ഇവർ കരിപ്പൂരിലെത്തിയത്. വിമാനത്താവളത്തിന് സമീപം സ്വർണക്കടത്ത് സംഘത്തെ കവർച്ച ചെയ്യാനെത്തിയ ഇവരെ കേരളാ പൊലീസ് സംഘമാണ് പിടികൂടിയത്. പിടിയിലായവരിൽ മജീഫ് അഞ്ചു പേർ വാഹനപടകടത്തിൽ മരിക്കാൻ ഇടയായ രാമനാട്ടുകര അപകടവുമായി ബന്ധപ്പെട്ട സ്വർണ്ണക്കവർച്ചാ കേസിൽ പ്രതിയാണ്
2021 ജൂൺ 21-ന് അർജുൻ ആയങ്കിയുടെ നേതൃത്വത്തിൽ രണ്ടു കാറുകളിലായി അഞ്ചുപേരാണ് സ്വർണക്കവർച്ചയ്ക്ക് കരിപ്പൂരിലെത്തിയത്. സംഘത്തിലുൾപ്പെട്ട കണ്ണൂർ സ്വദേശി റമീസ് ഒരുവർഷം മുൻപ് വാഹനാപകടത്തിൽ മരിച്ചു. മജീഫ് 2015-ൽ ട്രയിനിൽവെച്ച് 15 ലക്ഷത്തോളം രൂപ കവർന്നതുൾപ്പെടെ ആറു കേസുകളിൽ പ്രതിയാണ്.
Discussion about this post