അമൃത്സർ : അതിർത്തിയിലൂടെ മയക്കുമരുന്ന് കടത്താനുള്ള ശ്രമം തകർത്ത് ഇന്ത്യൻ സൈന്യം. പാകിസ്താനിൽ നിന്നെത്തിയ ഡ്രോൺ സൈന്യം വെടിവെച്ചിട്ടു. പഞ്ചാബിലെ അമൃത്സറിൽ നിന്നാണ് മയക്കുമരുന്നുമായെത്തിയ ഡ്രോൺ കണ്ടെടുത്തത്.
ഇന്നലെ രാത്രി 9.35 ഓടെ ഖുർദ് ജില്ലയിലെ ദാനോ ഗ്രാമത്തിൽ ഡ്രോൺ ശ്രദ്ധയിൽ പെട്ടതോടെ സൈന്യം വെടിവെച്ചിടുകയായിരുന്നു. തുടർന്ന് നടത്തിയ തിരച്ചിലിൽ ഇവിടെ നിന്നും മയക്കുമരുന്ന് പിടിച്ചെടുത്തു.
അതേസമയം ധാനോയിൽ മൂന്ന് പേരെ സംശയാസ്പദമായ സാഹചര്യത്തിൽ കണ്ടെത്തിയതായും ഒരാളെ പിടികൂടിയതായും ബിഎസ്എഫ് അറിയിച്ചു. മൂന്നര കിലോയോളം മയക്കുമരുന്ന് ഇവരിൽ നിന്ന് കണ്ടെടുത്തിട്ടുണ്ട്.
കഴിഞ്ഞ ഞായറാഴ്ചയും അമൃത്സറിൽ നിന്ന് രണ്ട് തവണ ഹെറോയിൻ പിടിച്ചെടുത്തിരുന്നു. അടുത്തിടെയായി അതിർത്തിയിലൂടെയുള്ള നുഴഞ്ഞുകയറ്റം വർദ്ധിച്ചിരിക്കുകയാണ്.
Discussion about this post