ബംഗളൂരു: തന്നെ ശല്യം ചെയ്തയാളെ സ്വയം പ്രതിരോധിച്ച് കോളേജ് വിദ്യാർത്ഥിനി. കർണാടകയിലെ ഉഡുപ്പി ജില്ലയിലാണ് സംഭവം. ശല്യപ്പെടുത്തിയ യുവാവിനെ ചെരുപ്പ് ഉപയോഗിച്ച് മുഖത്തടിച്ചാണ് പെൺകുട്ടി പ്രതിരോധിച്ചത്.
വെള്ളിയാഴ്ച രാവിലെ ഹോസ്റ്റലിൽ നിന്ന് കോളേജിലേക്ക് പോവുകയായിരുന്ന പെൺകുട്ടിയെ യുവാവ് പിന്തുടരുകയും,ശല്യപ്പെടുത്തുകയുമായിരുന്നുവെന്ന് നാട്ടുകാർ പറയുന്നു. ശല്യപ്പെടുത്തൽ തുടർന്നതോടെ, പെൺകുട്ടി ചെരുപ്പൂരി, യുവാവിനെ തലങ്ങും വിലങ്ങും അടിക്കുകയായിരുന്നു.സംഭവം അറിഞ്ഞ് നാട്ടുകാർ കൂടിയതോടെ യുവാവ്, തന്നെ വിട്ടയക്കണമെന്ന് കരഞ്ഞ് അപേക്ഷിക്കുകയായിരുന്നു.
യുവാവിനെ പോലീസിന് കൈമാറി.സംഭവത്തിന്റെ വീഡിയോ ദൃശ്യങ്ങൾ സമൂഹമാദ്ധ്യമങ്ങളിലൂടെ പുറത്തുവന്നിട്ടുണ്ട്.
