ന്യൂഡൽഹി: ഡോ. ഹെഡ്ഗേവാറിനേയും, വീർ സവർക്കറെയും കുറിച്ചുള്ള അധ്യായങ്ങൾ ഒഴിവാക്കിക്കൊണ്ട് പാഠപുസ്തകങ്ങൾ പരിഷ്കരിക്കാനുള്ള കർണാടക സർക്കാരിന്റെ തീരുമാനത്തിനെതിരെ വിമർശനവുമായി കേന്ദ്രമന്ത്രി നിതിൻ ഗഡ്കരി. ഇരുവരേയും കുറിച്ചുള്ള ഭാഗങ്ങൾ പാഠപുസ്തകങ്ങളിൽ നിന്ന് നീക്കാനുള്ള തീരുമാനം അങ്ങേയറ്റം ദൗർഭാഗ്യകരമാണെന്ന് ഗഡ്കരി പറഞ്ഞു.
” ഡോ ഹെഡ്ഗേവാറിനേയും, വീർ സവർക്കറേയും കുറിച്ചുള്ള അധ്യായങ്ങൾ സ്കൂൾ സിലബസിൽ നിന്ന് നീക്കം ചെയ്ത കർണാടക സർക്കാരിന്റെ തീരുമാനം നിർഭാഗ്യകരമാണ്. ഇത് അങ്ങേയറ്റം വേദനയുണ്ടാക്കുന്ന തീരുമാനമാണെന്നുമാണ്” ഗഡ്കരി പറഞ്ഞത്. കർണാടകയിലെ
സ്കൂളുകളിൽ 6 മുതൽ 10 വരെ ക്ലാസുകളിലെ സോഷ്യൽ സയൻസ്, കന്നഡ പാഠപുസ്തകങ്ങളാണ് ഇരുവരേയും കുറിച്ചുള്ള ഭാഗങ്ങൾ ഒഴിവാക്കി പരിഷ്കരിച്ചത്. തീരുമാനത്തിന് കർണാടക മന്ത്രിസഭ കഴിഞ്ഞ ദിവസം അംഗീകാരം നൽകിയിരുന്നു. പാഠപുസ്തകങ്ങളിൽ മറ്റെന്തൊക്കെ മാറ്റങ്ങൾ വരുത്തി എന്നതിനെക്കുറിച്ചുള്ള വിവരങ്ങൾ ഉടൻ വ്യക്തമാക്കുമെന്നും വിദ്യാഭ്യാസ മന്ത്രി ബംഗാരപ്പ പറഞ്ഞിരുന്നു. പാഠപുസ്തകങ്ങളിൽ പരിഷാകരങ്ങൾ വരുത്തുമെന്ന് തിരഞ്ഞെടുപ്പിന് മുൻപുള്ള പ്രകടനപത്രികയിലും കോൺഗ്രസ് പറഞ്ഞിരുന്നു.
Discussion about this post