ലണ്ടൻ: വിമാനങ്ങൾ വാങ്ങുന്നതുമായി ബന്ധപ്പെട്ട് ഇൻഡിഗോയുമായുള്ള എയർബസിന്റെ കരാർ എയ്റോസ്പേസ് മേഖലയ്ക്ക് വലിയ ഉത്തേജനമാണെന്ന് യുകെ പ്രധാനമന്ത്രി ഋഷി സുനക്. എയർബസിൽ നിന്ന് 500 വിമാനം വാങ്ങാനുള്ള കരാറിൽ കഴിഞ്ഞ ദിവസമാണ് ഇൻഡിഗോ ഒപ്പുവച്ചത്. വ്യോമയാന ചരിത്രത്തിലെ റെക്കോർഡ് ഡീലാണ് ഇത്. വലിയ തോതിലുള്ള നിക്ഷേപത്തിനും പുതിയ ജോലിസാദ്ധ്യതകൾക്കുമാണ് ഈ ഡീൽ വഴിവച്ചതെന്നും ഋഷി സുനക് വ്യക്തമാക്കി.
” ഈ കരാർ ബ്രിട്ടന്റെ എയ്റോസ്പേസ് മേഖലയുടെ വലിയ വിജയമാണ്. ഇൻഡിഗോയുമായുള്ള എയർബസിന്റെ കരാർ യുകെയുടെ സമ്പദ്‌വ്യവസ്ഥയ്ക്ക് സഹായകരമാണെന്നും അദ്ദേഹം പറയുന്നു. അടുത്തിടെ എയർഇന്ത്യ 470 വിമാനങ്ങൾ വാങ്ങാനുള്ള കരാറിൽ ഒപ്പുവച്ചിരുന്നു. അതിനെ മറികടന്നാണ് ഇൻഡിഗോയുടെ കരാർ ഒന്നാം സ്ഥാനത്തെത്തിയത്. കഴിഞ്ഞ ദിവസം നടന്ന പാരീസ് എയർ ഷോയിലാണ് ഇൻഡിഗോയും എയർബസും കരാറിൽ ഏർപ്പെടുന്നത്.
500 എ320 ഫാമിലി എയർക്രാഫ്റ്റുകൾ വാങ്ങാനുള്ള ഓർഡറിലാണ് ഇൻഡിഗോ ഒപ്പിട്ടത്. വ്യോമയാന ചരിത്രത്തിലെ ഏറ്റവും വലിയ ഒറ്റ പർച്ചേസ് കരാറാണിതെന്ന് എയർബസ് പ്രസ്താവനയിൽ പറഞ്ഞു. 2030നും 2035നും ഇടയിലായിരിക്കും ഈ വിമാനങ്ങൾ കൈമാറാൻ പോകുന്നത്. എയർബസുമായി ചേർന്ന് ഒരു എയർലൈൻ നടത്തുന്ന ഏറ്റവും വലിയ ഡീലാണിതെന്ന് ഇൻഡിഗോ പ്രസ്താവനയിൽ പറയുന്നു.
Discussion about this post