കൊച്ചി: അന്താരാഷ്ട്ര യോഗ ദിനത്തിൽ യോഗയുടെ പ്രധാന്യത്തെ കുറിച്ച് വാചാലയായിരിക്കുകയാണ് നടി സംയുക്തവർമ്മ. നമുക്ക് നമ്മുടെ ശരീരത്തെ മാറ്റാനാവും, അതാണ് യോഗയുടെ ശക്തി. ശാരീരികമായ കാര്യങ്ങളിൽ മാത്രം ശ്രദ്ധിക്കരുത് മാനസികമായും മാറ്റങ്ങളുണ്ടാവും. പുതിയ കാര്യങ്ങൾ മനസിലാക്കാനും അറിയാനും പരീക്ഷിക്കാനും കഴിയും. എന്റെ ഗുരുക്കൻമാരെ ഞാൻ നമിക്കുന്നു. അവരുടെ അനുഗ്രഹം കൊണ്ടാണ് എനിക്ക് യോഗ പരിശീലിക്കാനായത് എന്നായിരുന്നു സമൂഹമാദ്ധ്യമത്തിൽ സംയുക്ത കുറിച്ചത്.
ചില രോഗങ്ങൾ മാറ്റുന്നതിന് വേണ്ടിയാണ് യോഗ ചെയ്ത് തുടങ്ങിയത്. പരിശീലിച്ചും പഠിച്ചും യോഗയിൽ നിലനിർത്തുകയായിരുന്നു. മാനസികമായും ആത്മീയമായുമൊരു ഉണർച്ചയാണ് യോഗ നൽകുന്നത്. ജീവാന്മാവും പരമാത്മാവും തമ്മിലാണ് യോജിക്കൽ. നമ്മൾ മാനസികമായും ആത്മീയമായും ഉണരുന്നതാണ് യോഗയുടെ ഗുണം. വ്യായാമം മാത്രമായാണ് ചിലർ യോഗയെ കാണുന്നത്. പിസിഒഡി, ശ്വാസംമുട്ടൽ, ഹോർമോൺ പ്രശ്നങ്ങളിൽ നിന്നെല്ലാം എനിക്ക് മോചനം കിട്ടിയത് യോഗ ചെയ്ത് തുടങ്ങിയതിന് ശേഷമായിരുന്നുവെന്ന് നടി പറയുന്നു.
യോഗ ചെയ്ത് തുടങ്ങിയതിന് ശേഷം സ്വഭാവത്തിലും മാറ്റങ്ങൾ വന്നിരുന്നു. മുൻപ് നോ പറയാത്ത ആളായിരുന്നു ഞാൻ. കാര്യങ്ങൾ പറഞ്ഞ് ചെയ്യിക്കേണ്ടിടത്ത് അങ്ങനെ ചെയ്യാൻ ശീലിച്ചു. യോഗ ചെയ്ത് തുടങ്ങിയതിന് ശേഷം എല്ലാത്തിലുമൊരു ബാലൻസിംഗ് ഉണ്ടെന്ന് താരം പറഞ്ഞു.
യോഗയുടെ മൂല്യങ്ങളെക്കുറിച്ചും സംയുക്ത പറയുന്നുണ്ട്. ‘നമുക്ക് ശരീരഭാരം കൂട്ടാം, ശരീരഭാരം കുറയ്ക്കാം, ശരീരത്തിന്റെ തരം അറിഞ്ഞ്, കാലാവസ്ഥയ്ക്ക് അനുസരിച്ച് ശ്വാസോച്ഛ്വാസം മാറ്റാം. നമുക്ക് നമ്മുടെ ശരീരത്തെ മാറ്റാം, അതാണ് യോഗയുടെ പവർ.എന്നാൽ ശാരീരിക വശങ്ങളിൽ മാത്രമായി ശ്രദ്ധ കേന്ദ്രീകരിക്കരുത്, അതിനപ്പുറം നീങ്ങണമെങ്കിൽ പഠനം, പര്യവേക്ഷണം, പരീക്ഷണം എന്നിവ തുടരുകയെന്ന് താരം പറഞ്ഞു. 2021ൽ സംയുക്ത വർമ്മ അഷ്ടാംഗ യോഗ ടീച്ചേഴ്സ് ട്രെയ്നിങ് സർട്ടിഫിക്കറ്റ് കരസ്ഥമാക്കിയിരുന്നു. 20 വർഷമായി താരം യോഗ പരിശീലിക്കുന്നുണ്ട്
Discussion about this post