ഡികാപ്രിയോ ഉണ്ടാക്കിയ ചായ കുടിച്ചിട്ടുണ്ടോ, പോട്ടെ, മെസ്സിയുടെ ആന്ധ്രാഫുഡ് കഴിച്ചിട്ടുണ്ടോ, അതുമല്ലെങ്കില് സാക്ഷാല് ഇലോണ് മസ്കിന്റെ ചാട്ടെങ്കിലും ഇല്ലെങ്കില് നേരെ സോഷ്യല് മീഡിയയിലേക്ക് പോകൂ, അവിടെ ചൂടോടെ ഇതെല്ലാം ലഭിക്കും.
സര്ഗ്ഗാത്മക പോസ്റ്റുകള് കൊണ്ട് സോഷ്യല്മീഡിയയില് നിറഞ്ഞുനില്ക്കുന്ന ഫുഡ് ഡെലിവറി ആപ്പാണ് സൊമാറ്റോ. ഇത്തവണ എഐ ടൂളും സര്ഗ്ഗാത്മകതയും ഒന്നിച്ച് പ്രയോഗിച്ചാണ് സൊമാറ്റോ ഉപയോക്താക്കളെ കയ്യിലെടുത്തിരിക്കുന്നത്. ജനപ്രിയ താരങ്ങളെ എഐ ടൂള് കൊണ്ട് തട്ടുകട നടത്തിപ്പുകാരാക്കി ചിത്രീകരിച്ചുള്ള സൊമാറ്റോയുടെ പോസ്റ്റ് വൈറലായിരിക്കുകയാണ്. ഈ പോസ്റ്റിന് സൊമാറ്റോ നല്കിയ തലക്കെട്ട് അതിലും രസകരമാണ്. ടഅമ്മേ, എന്റെ ശക്തി തെറ്റായി ഉപയോഗിച്ചുവെന്ന്ട ഐ എ പറയുന്ന രീതിയിലാണ് തലക്കെട്ട് നല്കിയിരിക്കുന്നത്. ഋതിക് റോഷന്റെ കൃഷ് എന്ന ചിത്രത്തില് നിന്നുള്ള ഡയലോഗാണിത്.
View this post on Instagram
ഇലോണ് മസ്കിനെ പോലുള്ള ഒരാള് ചാട്ട് ഉണ്ടാക്കുന്ന വീഡിയോ ആണ് ആദ്യം പോസ്റ്റിലുള്ളത്. പക്ഷേ അത് ശരിക്കും ഇലോണ് മസ്കല്ല. പക്ഷേ കണ്ടാല് മസ്കാണെന്നേ പറയൂ. വീഡിയോയില് മസ്കിന്റെ കയ്യിലെ ഫ്രയിംഗ് പാനില് സമൂസയും കാണാം. അടുത്തതായി കാണിക്കുന്നത് മെസ്സിയുടെ ആന്ധ്രാമെസ്സാണ്. അവിടെ ബിരിയാണി വിളമ്പുന്ന ആളെ കണ്ടാല് നമ്മുടെ പ്രിയ ഫുട്ബോളര് ലയണല് മെസ്സിയാണെന്നേ പറയൂ. അടുത്തതായി കാണിക്കുന്നത് ഒരു ചായക്കടയാണ്. ചായയടിച്ച് കയ്യില് തരുന്നത് ഹോളിവുഡ് താരം ലിയനാര്ഡോ ഡികാപ്രിയോയുടെ മുഖഛായ ഉള്ള ഒരാളും. ഈ ചായക്കടയുടെ പേര് ഓസ്കാര് ചായ് വാല എന്നാണ്.
അടുത്ത കാലത്തായി ഇന്റെര്നെറ്റില് എഐ ടൂളുകള് കൊണ്ട് സൃഷ്ടിച്ച ചിത്രങ്ങളുടെ ബഹളമാണ്. കഴിഞ്ഞിടെ ലോകത്തിലെ ശതകോടീശ്വരര് വൃന്ദാവനത്തില് ഹോളി ആഘോഷിക്കുന്ന ഒരു ചിത്രം ഒരു കലാകാരന് പോസ്റ്റ് ചെയ്തിരുന്നു. ആനന്ദ് മഹീന്ദ്ര, രത്തന് ടാറ്റ, ജെഫ് ബെസോസ്, ഇലോണ് മസ്ക്, സ്റ്റീവ് ബാള്മര്, ഗൗതം അദാനി, മാര്ക് സക്കര്ബര്ഗ്, മുകേഷ് അംബാനി, വാറന് ബഫറ്റ്, ബില് ഗേറ്റ്സ് എന്നിവരെല്ലാം ഒരു ചിത്രത്തിലും ആല്ബര്ട്ട് ഐന്സ്റ്റൈന്, സ്റ്റീവ് ജോബ്സ്, ജോണ് ലെനന്, മര്ലിന് മണ്റോ, വില് സ്മിത്ത്, ബരാക് ഒബാമ, വ്ലാദിമര് പുദിന്, ഡൊണാള്ഡ് ട്രംപ് എന്നിവരെല്ലാം നിരത്തില് സാധാരണക്കാര്ക്കൊപ്പം ഡാന്സ് ചെയ്യുന്നതിന്റെ മറ്റൊരു ചിത്രവും ഇദ്ദേഹം പങ്കുവെച്ചിരുന്നു.
