തിരുവനന്തപുരം: തുടർച്ചയായ ചാഞ്ചാട്ടത്തിന് ശേഷം വിശ്രമിച്ച് സംസ്ഥാനത്തെ സ്വർണ വില. ഇന്ന് സ്വർണവിലയിൽ മാറ്റമില്ല. സ്വർണം പവന് 43,400 രൂപ എന്ന നിരക്കിലാണ് ഇന്നത്തെ വ്യാപാരം പുരോഗമിക്കുന്നത്.
ഇന്നലെയും മിനിഞ്ഞാന്നും സ്വർണ വില ഉയർന്നിരുന്നു. ഇതോടെയാണ് സ്വർണം പവന് 43,400 എന്ന നിരക്കിൽ എത്തിയത്. 5425 രൂപയാണ് ഒരു ഗ്രാം സ്വർണത്തിന്റെ വില. വരും ദിവസങ്ങളിൽ സ്വർണ വിലയിൽ ചാഞ്ചാട്ടം ഉണ്ടാകുമെന്നാണ് പ്രതീക്ഷിക്കുന്നത്.
കഴിഞ്ഞ രണ്ട് ദിവസവും സ്വർണം പവന് 80 രൂപ നിരക്കിലാണ് വർദ്ധിച്ചിരിക്കുന്നത്. കഴിഞ്ഞ മാസം സ്വർണ വില തുടർച്ചയായി ഇടിവ് നേരിട്ടിരുന്നു. എന്നാൽ ഈ മാസം ഒരു വാരം പൂർത്തിയാകാനൊരുങ്ങുമ്പോൾ വലിയ ചാഞ്ചാട്ടമാണ് സ്വർണ വിലയിൽ ഉണ്ടാകുന്നത്. ഈ മാസം ആദ്യദിനം തന്നെ സ്വർണവില ഉയർന്നിരുന്നു. പിന്നീടുള്ള രണ്ട് ദിവസം കുറവ് രേഖപ്പെടുത്തി. എന്നാൽ വീണ്ടും ഉയരുകയായിരുന്നു.
Discussion about this post