ഡല്ഹി: അനധികൃത സ്വത്ത് കൈവശം വെയ്ക്കുന്നവര്ക്കെതിരായ നടപടികളിലൂടെ നവംബര് 26 വരെ 16.69 കോടി ശേഖരിച്ചതായി കേന്ദ്ര ധനകാര്യ സഹമന്ത്രി ജയന്ത് സിന്ഹ രാജ്യസഭയില് വ്യക്തമാക്കി. 635 പേരുടെതാണ് ഈ അനധികൃത സമ്പാദ്യമെന്നും മന്ത്രി ചോദ്യത്തിനുള്ള മറുപടിയില് പറയുന്നു.
സെപ്തംബര് 30ന് അവസാനിച്ച മൂന്നുമാസത്തെ സമ്മതജാലകത്തിലൂടെ 4160 കോടിയുടെ കള്ളപ്പണം സംബന്ധിച്ചാണ് പ്രഖ്യാപനമുണ്ടായത്. വിദേശ സ്വത്തുള്ളവര്ക്ക് പുതിയ കള്ളപ്പണ നിയമത്തിലെ കടുത്ത നടപടി ഒഴിവാക്കാന് ഒറ്റ അവസരമാണ് സര്ക്കാര് നല്കിയത്. മൊത്തം സ്വത്തിന്റെ 60 ശതമാനം നികുതിയായി അടയ്ക്കാനാണ് നിര്ദ്ദേശമുണ്ടായിരുന്നത്.
ഡിസംബര് 31 ഓടെ നികുതിയും പിഴയും ഒടുക്കണമെന്നാണ് അന്ത്യശാസന. വിവരം രഹസ്യമായി സൂക്ഷിക്കുമെന്ന ഉറപ്പിലെ വിശ്വാസക്കുറവ് മൂലമാണോ അതോ ആവശ്യത്തിലധികം സമയം നല്കിയതുകൊണ്ടോണോ തണുത്ത പ്രതികരണമെന്ന എ.ഐ.എ.ഡി.എം.കെ എം.പി എ.ഡബ്ല്യൂ റാബി ബെര്ണാഡിന്റെ ചോദ്യത്തിന് മറുപടി നല്കുകയായിരുന്നു മന്ത്രി.
അനധികൃത സ്വത്ത് സംബന്ധിച്ച വിവരങ്ങള് രഹസ്യമായി സൂക്ഷിക്കുമെന്ന് ബ്ലാക്ക് മണി ആന്റ് ഇംപോസിഷന് ഓഫ് ടാക്സ് ആക്ട് 2015, ഐ.ടി നിയമത്തിലെ 138ാം വകുപ്പ് എന്നിവ പ്രകാരം ഉറപ്പുവരുത്തും.
Discussion about this post