സാൻഡിയേഗോ : മൂന്ന് വയസ്സുകാരി ചേച്ചിയുടെ കയ്യിലുണ്ടായിരുന്ന തോക്കിൽ നിന്നും അപ്രതീക്ഷിതമായി വെടിയേറ്റ് ഒരു വയസ്സുകാരിക്ക് ദാരുണാന്ത്യം. സാൻഡിയേഗോയിലെ ഫൾബ്രൂക്കിലാണ് സംഭവം. തലയ്ക്ക് വെടിയേറ്റതാണ് മരണകാരണം.
വീട്ടിൽ അലക്ഷ്യമായി ഇട്ടിരുന്ന ഹാൻഡ് ഗൺ കുട്ടി എടുത്തതോടെ അബദ്ധത്തിൽ വെടിപൊട്ടുകയായിരുന്നു. തലയ്ക്കു പരിക്കേറ്റ കുട്ടിയെ അഗ്നിശമന വിഭാഗത്തിന്റെ വാഹനത്തിൽ പലോമർ ആശുപത്രിയിൽ എത്തിച്ചപ്പോഴേക്കും മരണം സംഭവിക്കുകയായിരുന്നു.
തോക്ക് പോലീസ് കണ്ടെടുത്തു. പ്രായപൂർത്തിയാകത്തതിനാൽ കുട്ടിയുടെ പേര് വെളിപ്പെടുത്തുന്നില്ലെന്നും അധികൃതർ പറഞ്ഞു.
Discussion about this post