കാബൂൾ: നെക്ക് ടൈ നിരോധിക്കണമെന്ന് താലിബാൻ.നെക്ക് ടൈ കുരിശ് അടയാളത്തെ സൂചിപ്പിക്കുന്നുവെന്നും അത് ഇസ്ലാമിക വിരുദ്ധമെന്നും ഡിപ്പാർട്ട്മെന്റ് ഇൻവിറ്റേഷൻ ആൻഡ് ഗൈഡൻസ് ഡയറക്ടറേറ്റിന്റെ തലവൻ മുഹമ്മദ് ഹാഷിം ഷഹീദ് വോർ പറഞ്ഞു.
ചിലപ്പോൾ, ഞാൻ ആശുപത്രികളിലും മറ്റ് പ്രദേശങ്ങളിലും പോകുമ്പോൾ, ഒരു അഫ്ഗാൻ മുസ്ലീം എഞ്ചിനീയർമാരും ഡോക്ടർമാരും നെക്ക് ടൈ(Neckties) ധരിച്ചതായി ശ്രദ്ധയിൽപ്പെടുന്നുവെന്ന് മുഹമ്മദ് ഹാഷിം പറഞ്ഞു. ടൈയുടെ പ്രതീകാത്മകത ഇസ്ലാമിൽ വ്യക്തമാണ്. ടൈ എന്നത് കുരിശിനെയാണ് (Christian cross) പ്രതിനിധീകരിക്കുന്നത്. അത് ഉന്മൂലനം ചെയ്യണമെന്ന് ശരീഅത്തിൽ വ്യക്തമാക്കിയിട്ടുണ്ടെന്ന് നേതാവ് പറയുന്നു.
2021 ഓഗസ്റ്റിൽ അധികാരമേറ്റതിനുശേഷം താലിബാൻ അധികാരികൾ അഫ്ഗാനിലെ പുരുഷന്മാർക്ക് വസ്ത്രധാരണ നിയമങ്ങളൊന്നും ഏർപ്പെടുത്തിയിട്ടില്ല. സാധാരണയായി ഷൽവാർ കമീസ്, ബെൽറ്റ് പാന്റ്, തലപ്പാവ് എന്നിവയാണ് അഫ്ഗാൻ പുരുഷന്മാരുടെ വേഷം. ഉന്നത ഉദ്യോഗസ്ഥർ മാത്രമാണ് സ്യൂട്ടും ടൈയും ധരിക്കാറ്. ഇതിന് നിരോധനമേർപ്പെടുത്തുമോ എന്നാണ് ഇപ്പോൾ, ആളുകൾ ചോദിക്കുന്നത്.
അതേസമയം അഫ്ഗാനിസ്ഥാനിൽ ബ്യൂട്ടിപാർലറുകൾ അടച്ചുപൂട്ടാൻ താലിബാന്റെ അന്ത്യശാസനം നൽകിയിരിക്കുകയാണ്. മതപരമായ കാരണങ്ങളും വിവാഹങ്ങളിലെ ചെലവ് വർദ്ധിക്കുന്നതും ചൂണ്ടിക്കാട്ടിയാണ് ബ്യൂട്ടിപാർലറുകൾ അടച്ചുപൂട്ടാൻ താലിബാൻ നിർദേശിച്ചിരിക്കുന്നത്.
Discussion about this post