എറണാകുളം: പ്രധാനമന്ത്രി നരേന്ദ്ര മോദിയുടെ നേതൃത്വത്തിൽ ഇന്ത്യ വളരെയധികം വളർന്നുകൊണ്ടിരിക്കുകയാണെന്ന് പ്രമുഖ വ്യവസായി എം.എ യൂസഫ് അലി. നിക്ഷേപവുമായി ബന്ധപ്പെട്ട പല നിയമങ്ങളും അദ്ദേഹം മാറ്റി എഴുതി. ഇത് തന്നെപ്പോലെയുള്ള വ്യവസായികൾക്ക് ഇന്ത്യയിൽ നിക്ഷേപം നടത്താൻ വളരെ സഹായകമായി എന്നും അദ്ദേഹം പറഞ്ഞു.
പ്രധാനമന്ത്രി നരേന്ദ്ര മോദിയുടെ നേതൃത്വത്തിൽ ഇന്ത്യ വളരെയധികം മാറിക്കൊണ്ടിരിക്കുന്നു. തങ്ങളെ പോലുള്ള വ്യാവസായികൾക്ക് ഇന്ത്യയിൽ ഒരു കാലത്ത് നിക്ഷേപം നടത്തുക വലിയ പ്രയാസം ആയിരുന്നു. ചില നിയമങ്ങൾ ആയിരുന്നു ഇതിന് കാരണം. നരേന്ദ്ര മോദി അധികാരത്തിൽ വന്നതോടെ ഈ നിയമങ്ങൾ മാറ്റി. എൻആർഐക്കാരുമായി പ്രധാനമന്ത്രി സംസാരിച്ചിരുന്നു. അവർ അവരുടെ ബുദ്ധിമുട്ടുകൾ പറഞ്ഞു. ഇതേ തുടർന്ന് നിയമങ്ങൾ മാറ്റി എഴുതപ്പെട്ടു. ഇത് വഴി നിക്ഷേപം എളുപ്പത്തിലായി എന്നും അദ്ദേഹം വ്യക്തമാക്കി.
മേക്ക് ഇന്ത്യ പദ്ധതിയാണ് അടുത്തത്. ഇത് നിർമ്മാണ മേഖലയിൽ നിർണായക മാറ്റം ഉണ്ടാക്കി. ഓരോ ദിവസവും ലോകം മാറുന്നതിന് അനുസരിച്ച് മാറിക്കൊണ്ടിരിക്കണം. അല്ലെങ്കിൽ നാം പുറകിലോട്ട് പോകും. എന്നാൽ നാം ഇപ്പോൾ മുന്നോട്ട് പോകുകയാണെന്നും അദ്ദേഹം കൂട്ടിച്ചേർത്തു.
ഒരു വ്യാപാരം കേരളത്തിൽ ആരംഭിക്കുന്നത് മുൻപ് താൻ മറ്റ് സംസ്ഥാനങ്ങളിൽ പോയി നിരീക്ഷിക്കാറുണ്ട്. മറ്റ് സംസ്ഥാനങ്ങളെല്ലാം ആധുനിക ഉപകരണങ്ങളും സാങ്കേതിക വിദ്യയും രൂപീകരിക്കുകയാണ്. നമ്മുടെ കേരളത്തിൽ വലിയ മത്സ്യ സമ്പത്ത് ആണ് ഉള്ളത്. ഇത് എക്സ്പോർട്ട് ചെയ്യാനുള്ള സൗകര്യം ഉണ്ടാകണം. അങ്ങനെയെങ്കിൽ എല്ലാവർക്കും ഗുണം കിട്ടും. ഈ രീതിയിൽ നാം ചിന്തിക്കേണ്ടിയിരിക്കുന്നുവെന്നും യൂസഫ് അലി കൂട്ടിച്ചേർത്തു.
Discussion about this post