തിരുവനന്തപുരം: കേരളഗാനത്തിന് ചേരുന്ന രചനകളും നിർദ്ദേശങ്ങളും ക്ഷണിച്ച് സംസ്ഥാന സർക്കാർ. കേരള സംസ്ഥാനത്തിന് സ്വന്തമായി ഒരു കേരളഗാനം വേണമെന്ന കേരള സർക്കാർ നിർദേശത്തിനു പിന്നാലെ രചനകൾ ക്ഷണിക്കാനായി കേരള സാഹിത്യ അക്കാദമിയെ ചുമതലപ്പെടുത്തി.
മൂന്നുമിനിറ്റുകൊണ്ട് ആലപിച്ച് തീർക്കാവുന്നതുമായ രചനകളാണ് ക്ഷണിക്കുന്നത്. കേരളത്തിന്റെ പ്രകൃതി, സ്വത്വം, മൂല്യങ്ങൾ തുടങ്ങിയവ പ്രതിഫലിപ്പിക്കുന്നതായിരിക്കണം രചന. എല്ലാവർക്കും ആലപിക്കാൻ പറ്റുന്ന ശൈലിയും കാവ്യ-സംഗീതാത്മകതയും ഉണ്ടായിരിക്കണം.
സെക്രട്ടറി, കേരള സാഹിത്യ അക്കാദമി, തൃശൂർ-20 Email: office@keralasahityaakademi.org എന്ന വിലാസത്തിലേക്കാണ് രചനകൾ അയയ്ക്കേണ്ടതാണ്. കൂടുതൽ വിവരങ്ങൾക്ക് 0484- 2331069 എന്ന നമ്പറിൽ ബന്ധപ്പെടുക. രചനകൾ ലഭിക്കേണ്ട അവസാന തിയതി ഒക്ടോബർ 15.
Discussion about this post