ബംഗളൂരു: കർണാടകയിൽ പ്രായപൂർത്തിയാകാത്ത ആൺകുട്ടിയെ ലൈംഗിക പീഡനത്തിന് ഇരയാക്കിയ മൗലാന അറസ്റ്റിൽ. പശ്ചിമ ബംഗാൾ സ്വദേശി അബ്ദുൾ സമദ് സിയായി ആണ് അറസ്റ്റിലായത്. കുട്ടിയുടെ പിതാവിന്റെ പരാതിയുടെ അടിസ്ഥാനത്തലാണ് ഇയാളെ പോലീസ് അറസ്റ്റ് ചെയ്തത്.
ഉത്തര കന്നഡ ജില്ലയിലാണ് സംഭവം. ഖുർആൻ പഠിക്കുന്നതിന് എത്തിയിരുന്ന കുട്ടിയെ ആണ് സിയായി പീഡിപ്പിച്ചത്. കഴിഞ്ഞ ദിവസമായിരുന്നു സംഭവം. ഖുർ ആൻ പഠിക്കുന്നതിന് വേണ്ടി കുട്ടി പതിവായി മസ്ജിദിൽ എത്താറുണ്ട്. ഇങ്ങനെ എത്തിയ കുട്ടിയെ സിയായി ആരും കാണാതെ ലൈംഗികമായി പീഡിപ്പിക്കുകയായിരുന്നു. സംഭവം പുറത്തു പറയരുതെന്ന് കുട്ടിയെ ഇയാൾ ഭീഷണിപ്പെടുത്തുകയും ചെയ്തു. എന്നാൽ വീട്ടിൽ എത്തിയ കുട്ടി വിവരം രക്ഷിതാക്കളോട് പറയുകയായിരുന്നു.
ഉടനെ രക്ഷിതാക്കൾ പോലീസിൽ പരാതി നൽകി. തുടർന്ന് രാത്രിയോടെ അറസ്റ്റ് രേഖപ്പെടുത്തുകയായിരുന്നു. പോക്സോ നിയമത്തിലെ വിവിധ വകുപ്പുകൾ ചുമത്തിയാണ് ഇയാൾക്കെതിരെ പോലീസ് കേസ് എടുത്തിട്ടുള്ളത്. ജില്ലാ സെഷൻസ് കോടതിയിൽ ഹാജരാക്കിയ ഇയാളെ റിമാൻഡ് ചെയ്തു.
