ജയ്പൂർ: രാജസ്ഥാനിലെ വർദ്ധിച്ച കുറ്റകൃത്യനിരക്കിൽ വേദന പ്രകടിപ്പിച്ച് പ്രധാനമന്ത്രി നരേന്ദ്രമോദി. കഴിഞ്ഞ അഞ്ച് വർഷത്തിനിടെ കോൺഗ്രസ് സംസ്ഥാനത്തെ നശിപ്പിച്ചെന്ന് പ്രധാനമന്ത്രി കുറ്റപ്പെടുത്തി. ചിത്തോർഗഡ് റാലിയെ അഭിസംബോധന ചെയ്യവേയാണ് അദ്ദേഹം വികാരാധീനനായത്. സ്ത്രീകൾക്കെതിരായ കുറ്റകൃത്യങ്ങളുടെ എണ്ണത്തിൽ രാജസ്ഥാൻ വളരെ മുമ്പിലാണെന്ന് അദ്ദേഹം പറഞ്ഞു.
കുറ്റകൃത്യങ്ങളുടെ പട്ടികയിൽ, കുറ്റകൃത്യങ്ങളിൽ, കലാപങ്ങളിൽ, ഏത് സംസ്ഥാനമാണ് മുന്നിൽ നിൽക്കുന്നത്… ഏത് സംസ്ഥാനമാണ് മുന്നിൽ, കല്ലേറിലും, കല്ലേറിലും… . സ്ത്രീകളും ദളിതരും, ഏത് സംസ്ഥാനത്താണ് ഏറ്റവും മോശം പേര്… ഇതിനാണോ നിങ്ങൾ കോൺഗ്രസിന് വോട്ട് ചെയ്തതെന്ന് അദ്ദേഹം ആരാഞ്ഞു.
കഴിഞ്ഞ അഞ്ച് വർഷമായി കോൺഗ്രസ് സർക്കാർ സംസ്ഥാനത്തെ കൊള്ളയടിക്കുകയും നശിപ്പിക്കുകയും ചെയ്തുവെന്ന് അദ്ദേഹം ആരോപിച്ചു. രാജസ്ഥാനിൽ സ്ത്രീകൾക്കെതിരായ കുറ്റകൃത്യങ്ങൾ വർദ്ധിക്കുന്നത് കാണുന്നതിൽ തനിക്ക് വേദനയുണ്ടെന്ന് പറഞ്ഞ അദ്ദേഹം ‘കോൺഗ്രസ് ഇത് ഒരു പാരമ്പര്യമാക്കിയെന്ന് കുറ്റപ്പെടുത്തി. രാജസ്ഥാനിലെ കോൺഗ്രസ് സർക്കാർ കഴിഞ്ഞ അഞ്ച് വർഷമായി സംസ്ഥാനത്തെ നശിപ്പിച്ചു. ക്രൈം ലിസ്റ്റിൽ സംസ്ഥാനം ഒന്നാമത് നിൽക്കുന്നത് എന്നെ വേദനിപ്പിക്കുന്നു. സ്ത്രീകൾക്കെതിരായ കുറ്റകൃത്യങ്ങളിൽ ഏറ്റവുമധികം കേസുകൾ രാജസ്ഥാനിൽ നിന്നാണ്… ഇതിനാണോ നിങ്ങൾ കോൺഗ്രസിന് വോട്ട് ചെയ്തതെന്നായിരുന്നു പ്രധാനമന്ത്രി ചോദിച്ചത്.
രാജസ്ഥാനിലെ ജനങ്ങളെ കബളിപ്പിച്ച് കോൺഗ്രസ് വിജയകരമായി സർക്കാർ രൂപീകരിച്ചു. എന്നാൽ അശോക് ഗെഹ്ലോട്ട് സർക്കാർ ശരിയായി പ്രവർത്തിക്കുന്നതിൽ പരാജയപ്പെട്ടു. അശോക് ഗെഹ്ലോട്ട് തന്റെ മുഖ്യമന്ത്രി കസേര സംരക്ഷിക്കുകയായിരുന്നു, അതേസമയം കോൺഗ്രസ് നേതാക്കളിൽ പകുതിയും അദ്ദേഹത്തെ പുറത്താക്കാൻ സജീവമായി ശ്രമിക്കുന്നുവെന്ന് പ്രധാനമന്ത്രി വിമർശിച്ചു. രാജസ്ഥാനിൽ സർവതോന്മുഖമായ വികസനം കൊണ്ടുവരാൻ ബിജെപിക്ക് മാത്രമേ കഴിയുകയുള്ളൂവെന്നും അദ്ദേഹം കൂട്ടിച്ചേർത്തു.
