ലക്നൗ: അയോധ്യയില് നിര്മ്മിക്കപ്പെടുന്ന ചരിത്രപരമായ രാമക്ഷേത്രം സന്ദര്ശിച്ച് ബോളിവുഡ് നടന് അനുപം ഖേര്. ഇവിടെയത്താന് കഴിഞ്ഞതും നിര്മ്മാണത്തിനായി തന്റെ പേരില് ഇഷ്ടിക സമര്പ്പിക്കാന് കഴിഞ്ഞതും ഭാഗ്യമെന്നും അനുപം ഖേര് കുറിച്ചു. തന്റെ ഔദ്യോഗിക എക്സ് അക്കൗണ്ടിലൂടെയാണ് രാമ ജന്മ ഭൂമി സന്ദര്ശനത്തിന്റെ വീഡിയോ ഉള്പ്പടെ താരം പങ്ക് വച്ചത്.
“സുഹൃത്തുക്കളേ! അയോധ്യയില് നിര്മ്മിക്കപ്പെടുന്ന ചരിത്രപരമായ രാമക്ഷേത്രത്തിന്റെ ഒരു നേര്ക്കാഴ്ച ഞാന് നിങ്ങള്ക്ക് കാണിച്ചു തരുന്നു. ഈ വലിയ ക്ഷേത്രം പണിയുന്നത് കണ്ടപ്പോള് വളരെ സന്തോഷം തോന്നി. രാം ലല്ലയുടെ ക്ഷേത്രത്തിന്റെ നിര്മ്മാണത്തില് ഓരോ ഭക്തനും തന്റെ ഭക്തിയിലും സമര്പ്പണത്തിലും ഏര്പ്പെട്ടിരിക്കുന്നു. അയോധ്യാ അന്തരീക്ഷമാകെ ജയ് ശ്രീറാം പ്രതിധ്വനിക്കുന്നു! എന്റെ അഭ്യര്ത്ഥന പ്രകാരം ഈ ക്ഷേത്രത്തില് ഒരു ഇഷ്ടിക സമ്മാനമായി നല്കാന് കഴിഞ്ഞത് എന്റെ മഹാഭാഗ്യമാണ്, ഈശ്വരനോട് എന്നും നന്ദിയുള്ളവനായിരിക്കും”, വീഡിയോ പങ്ക് വച്ച് അനുപം ഖേര് കുറിച്ചു.
“രാമക്ഷേത്രത്തിന്റെ നിര്മ്മാണ പ്രവര്ത്തനങ്ങള് സന്ദര്ശിക്കുകയും വിശദീകരിക്കുകയും ചെയ്യുന്ന വീഡിയോ ആണ് താരം പങ്ക് വച്ചിരിക്കുന്നത്. ഇവിടെയാണ് രാമക്ഷേത്രം ഉയരുന്നതെന്നും ജനുവരി 22 നാണ് ക്ഷേത്രത്തിന്റെ പ്രാണ പ്രതിഷ്ഠയെന്നും താരം വീഡിയോയില് പറയുന്നു. ഇവിടെ ജോലിയെടുക്കുന്നവര് ഐതിഹാസികമായ ഒരു നിര്മ്മാണത്തില് പങ്കെടുക്കാന് സാധിച്ച മഹാഭാഗ്യശാലികളാണ്. രാമ ക്ഷേത്രത്തിന്റെ നിര്മ്മാണത്തില് ചേര്ന്ന് ഒരു കൈ മണ്ണെടുത്തോ ഒരു ഇഷ്ടിക വയ്ക്കുന്നതോ വലിയ കാര്യമാണ്”, താരം വീഡിയോയില് പറഞ്ഞു.
दोस्तों! मैं आपको अयोध्या में बन रहे ऐतिहासिक #राममंदिर की झलक दिखा रहा हूँ।बहुत सुखद अनुभूति हुई इस विशाल बनते हुए मंदिर को देख कर।हर भक्त राम लल्ला के मंदिर के निर्माण में अपनी श्रद्धा और भक्ति से लिप्त है।पूरे अयोध्या के वातावरण में #जयश्श्रीराम की गूंज है! मैं भाग्यशाली हूँ… pic.twitter.com/mC7WD1vfs4
— Anupam Kher (@AnupamPKher) October 2, 2023
Discussion about this post