തിരുവനന്തപുരം; ദേവികുളം തിരഞ്ഞെടുപ്പ് റദ്ദാക്കിയ കേരള ഹൈക്കോടതി വിധിക്കെതിരായ അപ്പീൽ ഇന്ന് സുപ്രീം കോടതി പരിഗണിക്കും. ജസ്റ്റിസ് അനിരുദ്ധ ബോസ് അദ്ധ്യക്ഷനായ ബെഞ്ചാണ് എ രാജയുടെ അപ്പീൽ പരിഗണിക്കുന്നത്.
സുപ്രീം കോടതി നേരത്തെ തന്നെ ഹൈക്കോടതി വിധി സ്റ്റേ ചെയ്തിരുന്നു. കഴിഞ്ഞ തവണ കേസ് പരിഗണിക്കവേ കേസുമായി ബന്ധപ്പെട്ട രേഖകൾ സുപ്രീംകോടതിക്ക് കൈമാറിയില്ലെന്ന ആരോപണം പരിശോധിക്കാൻ സുപ്രീം കോടതി രജിസ്ട്രി നിർദ്ദേശം നൽകിയിരുന്നു.
കേസുമായി ബന്ധപ്പെട്ട എല്ലാ രേഖകളുടെയും ഒറിജിനൽ കൈമാറാനും ഹൈക്കോടതിയോട് നേരത്തെ സുപ്രീംകോടതി നിർദേശിച്ചിരുന്നു. എന്നാൽ സുപ്രധാനരേഖകൾ കൈമാറിയില്ലെന്നാണ് ഡി. കുമാറിൻറെ അഭിഭാഷകൻ ആരോപിച്ചത്. ഇക്കാര്യം ചൂണ്ടിക്കാട്ടി ഡി. കുമാർ പുതിയ അപേക്ഷയും നൽകിയിരുന്നു. എന്നാൽ എല്ലാ രേഖകളും സുപ്രീംകോടതിയിൽ എത്തിയിട്ടുണ്ടെന്നാണ് ഓഫിസ് ഓർഡറിലുള്ളതെന്ന് എ. രാജയുടെ അഭിഭാഷകൻ കോടതിയിൽ പറഞ്ഞു. കേസ് ഇന്ന് വീണ്ടും കോടതി പരിഗണിക്കുമ്പോൾ ഈ വിവരം രജിസ്ട്രി കോടതിയെ അറിയിക്കും.
Discussion about this post