ഹൈദരാബാദ്: വീണ്ടും പാകിസ്താൻ പതാക വീശി പ്രകോപനം സൃഷ്ടിച്ച് മുഹമ്മദ് ബഷീർ എന്ന ബഷീർ ചാച്ച. ഹൈദരാബാദിലെ രാജീവ് ഗാന്ധി അന്താരാഷ്ട്ര സ്റ്റേഡിയത്തിൽ കളി കാണാൻ എത്തിയപ്പോഴായിരുന്നു ബഷീർ ചാച്ച പാകിസ്താൻ പതാക വീണ്ടും വീശിയത്. സംഭവത്തിന്റെ വീഡിയോ ദൃശ്യങ്ങൾ വ്യാപകമായി പ്രചരിക്കുന്നുണ്ട്.
പാകിസ്താനും നെതർലാൻഡും തമ്മിലുള്ള മത്സരമാണ് സ്റ്റേഡിയത്തിൽ നടക്കുന്നത്. ഇത് കാണാൻ എത്തിയതായിരുന്നു ചാച്ച. ഇതിനിടെ കയ്യിൽ കരുതിയിരുന്ന പാകിസ്താൻ പതാക എല്ലാവരും കാൺകെ വീശുകയായിരുന്നു. എന്നാൽ ഇത് അവിടെയുണ്ടായിരുന്നവർ ചോദ്യം ചെയ്തു. താനൊരു ഇന്ത്യക്കാരനല്ലെന്ന് രോഷാകുലനായി ഇയാൾ മറുപടി നൽകുകയായിരുന്നു. ‘ ഞാൻ പാകിസ്താനെ പിന്തുണയ്ക്കുന്നതിനായി ചിക്കാഗോയിൽ നിന്നും വന്നതാണ്. ഞങ്ങൾ തന്നെ ജയിക്കും’- ബഷീർ ചാച്ച പറഞ്ഞു. പാകിസ്താൻ വംശജനായ അമേരിക്കൻ പൗരൻ ആണ് ബഷീർ ചാച്ച.
നേരത്തെ ഹൈദരാബാദിലെ രാജീവ് ഗാന്ധി അന്താരാഷ്ട്ര വിമാനത്താവളത്തിൽ വച്ചും ഇയാൾ പാക് പതാക വീശിയിരുന്നു. പാക് ക്രിക്കറ്റ് താരങ്ങൾ വിമാനത്താവളത്തിൽ എത്തിയപ്പോഴായിരുന്നു ഇയാൾ പാകിസ്താൻ പതാക വീശിയത്. ഇതേ തുടർന്ന് ഇയാളെ കസ്റ്റഡിയിൽ എടുത്തിരുന്നു. പാകിസ്താന്റെ കടുത്ത ആരാധകനാണ് താനെന്നായിരുന്നു അന്നും ബഷീർ ചാച്ച പറഞ്ഞത്.
#WATCH | ICC Men's Cricket World Cup | A Pakistani cricket fan, Mohammad Bashir waves the Pak national flag as he arrives at the Rajiv Gandhi International Stadium in Hyderabad to watch Pakistan and the Netherlands face each other today.
He says, "I have come from Chicago to… pic.twitter.com/EW16jm4uRp
— ANI (@ANI) October 6, 2023
