മകള്ക്കൊപ്പം കാലിഫോര്ണിയയിലെ സെക്കോയ നാഷണല് പാര്ക്കില് വീക്കെന്ഡ് ആഘോഷിക്കാനെത്തി മെറ്റ സിഇഒയും ഫെയ്സ്ബുക്ക് സ്ഥാപകനുമായ മാര്ക്ക് സക്കര്ബര്ഗ്. തന്റെ ഏഴുവയസ്സുകാരിയ മകളായ മാക്സിമയ്ക്കൊപ്പമാണ് സക്കര്ബര്ഗ് ഇവിടെയെത്തിയത്. ലോകത്തിലെ ഏറ്റവും പഴക്കം ചെന്ന മരങ്ങളാണ് ഈ ദേശീയോദ്യാനത്തിലുള്ളത്.
രണ്ടായിരം വര്ഷം പഴക്കമുള്ള മരങ്ങളും ഇവയില് ഉള്പ്പെടുന്നു. ഇവിടെ നിന്നുള്ള ചിത്രങ്ങള് സക്കര്ബര്ഗ് തന്നെയാണ് ഇന്സറ്റ്ഗ്രാമിലൂടെ പോസ്റ്റ് ചെയ്തത്. രണ്ടായിരം വര്ഷം പഴക്കമുള്ള സെക്കോയ മരമാണ് ഇവിടുത്തെ പ്രമുഖന്. അതിന്റെ മുന്നില് നിന്നുള്ള ചിത്രവും അദ്ദേഹം പങ്ക് വച്ചിട്ടുണ്ട്.
മറ്റ് മരങ്ങള്ക്കും ഏകദേശം അത്ര തന്നെ പ്രായം വരും. കടപുഴകി വീണ ഒരു മരത്തിന്റെ വേരിന് മുന്നില് നിന്നും അച്ഛനും മകളും ചിത്രമെടുത്തിട്ടുണ്ട്.
സെക്കോയ ഇനത്തില്പ്പെട്ട ഏറ്റവും വലിയ മരമാണ് ജനറല് ഷെര്മന്. 31 മീറ്റര് ചുറ്റളവാണ് ഇതിനുള്ളത്. ഇതിന്റെ മകളിലേക്കുള്ള വളര്ച്ച നിലച്ചതായും വശങ്ങളിലേക്കുള്ള വളര്ച്ച തുടരുന്നുവെന്നുമാണ് അധികൃതര് പറയുന്നത്. സംരക്ഷണത്തിന്റെ ഭാഗമായി മരത്തിനുചുറ്റും വേലികെട്ടിയിട്ടുണ്ട്.
