പെരുമ്പാവൂർ: പൃഥ്വിരാജ് നായകനാകുന്ന സിനിമയുടെ സെറ്റ് നിർമ്മാണം തടഞ്ഞ് നഗരസഭ. ജയ ജയ ജയ ജയഹേ എന്ന ചിത്രത്തിന് ശേഷം വിപിൻ ദാസ് സംവിധാനം ചെയ്യുന്ന ഗുരുവായൂരമ്പല നടയിൽ എന്ന ചിത്രത്തിന്റെ സെറ്റഅ നിർമ്മാണമാണ് മുടങ്ങിയത്. നഗരസഭ സ്റ്റോപ്പ് മെമ്മോ നൽകുകയായിരുന്നു.
അനധികൃതമായി മണ്ണിട്ടുനികത്തിയ സ്ഥലത്ത് സിനിമാ സെറ്റ് നിർമ്മിക്കുന്നതിനെടിരെയാണ് നടപടി. വെട്ടിക്കനാക്കുടി വി.സി.ജോയിയുടെ മകൻ ജേക്കബ് ജോയിയുടെ ഉടമസ്ഥതയിൽ 12ാ ം വാർഡിൽ കാരാട്ടുപളളിക്കരയിലാണു ഗുരുവായൂർ അമ്പലത്തിന്റെ മാതൃക നിർമിക്കുന്നത്. നിർമാണത്തിന് അനുമതി വാങ്ങിയിട്ടില്ലെന്നു നഗരസഭാദ്ധ്യക്ഷൻ ബിജു ജോൺ ജേക്കബ് പറഞ്ഞു. പാടം നികത്തിയ സ്ഥലത്ത് നിർമാണ അനുമതി നൽകാൻ കഴിയില്ലെന്നും അദ്ദേഹം പറഞ്ഞു.പാടം മണ്ണിട്ടു നികത്തുന്നു എന്ന പരാതിയുടെ അടിസ്ഥാനത്തിൽ പരിശോധന നടത്തിയാണ് സ്റ്റോപ്പ് മെമ്മോ നൽകിയതെന്ന് നഗരസഭാ അദ്ധ്യക്ഷൻ കൂട്ടിച്ചേർത്തു.
പ്ലൈവുഡും കഴകളും സ്റ്റീൽ സ്‌ക്വയർ പൈപ്പും പോളിത്തീൻ ഷീറ്റും ഉപയോഗിച്ച് ഒരു മാസത്തോളമായി അറുപതോളം കലാകാരൻമാർ ചേർന്നാണ് നിർമാണം നടത്തുന്നത്. നിർമ്മാണാനുമതിക്കായി അപേക്ഷ നൽകിയിട്ടുണ്ടെന്നും കൗൺസിൽ യോഗത്തിൽ പരിഗണിക്കാമെന്നാണ് അറിയിച്ചിരിക്കുന്നതെന്നും സിനിമുടെ അണിയറ പ്രവർത്തകർ ആരോപിച്ചു.
Discussion about this post