ന്യൂഡൽഹി: എയർ ഇന്ത്യ വിമാനത്തിലെ യാത്രക്കാരെ ഭീഷണിപ്പെടുത്തിയ സംഭവത്തിൽ, ഖാലിസ്ഥാൻ ഗുർപത്വന്ത് സിംഗ് പന്നുവിനെതിരെ കേസെടുത്ത് എൻഐഎ. ഇന്ത്യൻ ശിക്ഷാ നിയമത്തിലെ 120 ബി, 153 എ, 506 എന്നീ വകുപ്പുകളും 1967 ലെ നിയമവിരുദ്ധ പ്രവർത്തനങ്ങൾ (തടയൽ) നിയമത്തിലെ 10, 13, 16, 17, 18, 18 ബി, 20 വകുപ്പുകൾ പ്രകാരവുമാണ് പന്നൂനെതിരെ കേസെടുത്തിരിക്കുന്നതെന്ന് ഏജൻസി പുറത്തുവിട്ട പ്രസ്താവനയിൽ പറയുന്നു.
നവംബർ 4നാണ് പന്നുൻ യാത്രക്കാർക്കെതിരെ ഭീഷണി വീഡിയോ പുറത്തുവിട്ടത്. എയർ ഇന്ത്യയിൽ സിഖുകാർ യാത്ര ചെയ്യരുതെന്നും അത് അവരുടെ ജീവന് ഭീഷണിയുണ്ടാക്കുമെന്നും പന്നുൻ വീഡിയോയിൽ പറയുന്നു. എയർ ഇന്ത്യയെ ഈ ലോകത്ത് സർവീസ് നടത്താൻ അനുവദിക്കില്ലെന്നും ഭീകരൻ ഭീഷണിപ്പെടുത്തുന്നു. പന്നുന്റെ ഭീഷണിയെ തുടർന്ന് ഇന്ത്യയിലും കാനഡയിലും എയർ ഇന്ത്യ പറക്കുന്ന മറ്റ് ചില രാജ്യങ്ങളിലും സുരക്ഷ ശക്തമാക്കിയെന്നും എൻഐഎ വ്യക്തമാക്കി.
ഐജിഐഎ ലോകത്തിലെ ഏറ്റവും തിരക്കേറിയ വിമാനത്താവളങ്ങളിൽ ഒന്നാണെന്നും എൻഐഎ കൂട്ടിച്ചേർത്തു. രാജ്യത്തെ സിഖുകാരും മറ്റ് സമുദായങ്ങളും തമ്മിലുള്ള ശത്രുത വളർത്തിക്കൊണ്ട് പഞ്ചാബിൽ നിലനിൽക്കുന്ന പ്രശ്നങ്ങളിൽ, പ്രത്യേകിച്ച് സിഖ് മതവുമായി ബന്ധപ്പെട്ട് പന്നുൻ തെറ്റായ പ്രചരണം നടത്തുകയാണെന്ന് എൻഐഎ പറഞ്ഞു.
Discussion about this post