കൊച്ചി: മലയാള സിനിമയുടെ വലിയ അഹങ്കാരമാണ് മമ്മൂട്ടിയെന്ന സൂപ്പർതാരം. 72 ാം വയസിലും ചുറുചുറുക്കോടെയാണ് അദ്ദേഹം തന്നെതേടി എത്തുന്ന ഓരോ ചിത്രങ്ങളിലും അഭിനയിക്കുന്നത്. ശരീരസംരക്ഷണം എങ്ങനെ വേണമെന്ന് മമ്മൂക്കയെ കണ്ടുപഠിക്കൂ എന്നാണ് സിനിമ ഇഷ്ടപ്പെട്ട് വരുന്ന യുവാക്കളോട് ആളുകൾ പറയാറുള്ളത്. തന്റെ കഥാപാത്രങ്ങൾ പൂർണതയിലെത്താനായി ശരീരസംരക്ഷണത്തിന് വലിയ പ്രയത്‌നങ്ങളാണ് താരം എടുക്കാറുള്ളത്. ഇതിനെ കുറിച്ച് തിരക്കഥാകൃത്തും നടനുമായ രഞ്ജി പണിക്കർ പറഞ്ഞ വാക്കുകളാണ് ഇപ്പോൾ ശ്രദ്ധ നേടുന്നത്.
‘രൗദ്രം’ എന്ന ചിത്രത്തിന്റെ ലോക്കേഷനിൽ മമ്മൂട്ടിക്കൊപ്പം പ്രവർത്തിച്ചുപ്പോഴുള്ള അനുഭവങ്ങളാണ് രഞ്ജി പണിക്കർ പങ്കുവച്ചിരിക്കുന്നത്. ”ചിത്രത്തിന്റെ ഷൂട്ടിംഗ് വേളയിൽ താൻ മമ്മൂക്കയ്ക്ക് ഒപ്പമാണ് ഭക്ഷണം കഴിക്കാനിരിക്കുന്നത്. അദ്ദേഹം വീട്ടിൽ നിന്ന് കൊണ്ടുവരുന്ന ഭക്ഷണം ഒപ്പമുള്ളവർക്കും നൽകും.”
എന്നാൽ ഭക്ഷണം കഴിക്കുന്ന മമ്മൂക്ക ഭക്ഷണത്തോട് ഒട്ടും താൽപര്യം കാണിക്കുന്നില്ല, ഇതു കണ്ട ഞാൻ അദ്ദേഹത്തോട് ഇതിനെ കുറിച്ച് ചോദിച്ചു. രുചിയെല്ലാം നഷ്ടപ്പെട്ടുപോയി എന്നാണ് അദ്ദേഹം പറഞ്ഞത്. അസുഖം എന്തെങ്കിലുമുണ്ടോ എന്ന് മമ്മൂക്കയോട് ചോദിച്ചപ്പോൾ, ഭക്ഷണം വർജിച്ച് തനിക്ക് രുചിയെല്ലാം നഷ്ടപ്പെട്ടു എന്നായിരുന്നു മറുപടി.”
”ഇഷ്ടപ്പെട്ട ഭക്ഷണം ലോകത്തിന്റെ ഏതു കോണിൽ നിന്നും കഴിക്കാനുള്ള സ്ഥിതിയുള്ള ആളാണ് മമ്മൂക്ക. എന്നിട്ടും അദ്ദേഹത്തിന് ഇഷ്ടപ്പെട്ട ഭക്ഷണങ്ങൾ ഒഴിവാക്കേണ്ടി വരുന്നു. അദ്ദേഹത്തിന് ഇഷ്ടമുള്ള ഭക്ഷണം കഴിക്കാൻ പേടിയാണ്. എല്ലാവരും മമ്മൂക്ക ഇപ്പോഴും ഇത്ര ചെറുപ്പമായിരിക്കുന്നു എന്ന് പറയും.’
അദ്ദേഹത്തിന് അതൊരു ബാധ്യതയാണ്. അത് കാത്തു സൂക്ഷിക്കാൻവർഷങ്ങളായി അദ്ദേഹം കഷ്ടപ്പെടുകയാണെന്ന് രഞ്ജി പണിക്കർ പറഞ്ഞു.
Discussion about this post