വത്തിക്കാൻ: പോപ്പ് ഫ്രാൻസിസ് മാർപ്പാപ്പയുടെ ആരോഗ്യനില മെച്ചപ്പെടുന്നതായി വത്തിക്കാൻ. എങ്കിലും അദ്ദേഹം നിലവിലത്തേത് പോലെ മുറിയിൽ തന്നെ തുടരും. വത്തിക്കാനാണ് ഫ്രാൻസിസ് മാർപ്പാപ്പയുടെ ആരോഗ്യനില സംബന്ധിച്ച വിവരം പുറത്തുവിട്ടത്.
ശ്വാസകോശ അണുബാധയാണ് അദ്ദേഹത്തിന്. 86 വയസ്സുള്ള അദ്ദേഹത്തിന് ആന്റി ബയോട്ടിക് ചികിത്സ നൽകുന്നത് തുടരുകയാണെന്നാണ് സൂചന. പനിയും മറ്റ് ആരോഗ്യപ്രശ്നങ്ങളും അദ്ദേഹത്തിന് വിട്ടുമാറി. എങ്കിലും സുരക്ഷയെ കരുതിയാണ് അദ്ദേഹം പൊതുജനസമ്പർക്കം ഒഴിവാക്കുന്നത്. പുറത്തെ താപനിലയിൽ ഉണ്ടാകുന്ന വ്യത്യാസം മാർപ്പാപ്പയുടെ ആരോഗ്യത്തെ ബാധിക്കുമെന്നും വത്തിക്കാൻ വ്യക്തമാക്കി.
ദുബായിൽ നടക്കുന്ന ലോക കാലാവസ്ഥാ ഉച്ചകോടി (കോപ് 28)യിൽ പങ്കെടുക്കേണ്ടതായിരുന്നു മാർപ്പാപ്പ. എന്നാൽ അനാരോഗ്യത്തെ തുടർന്ന് ഇതും ഒഴിവാക്കി.
Discussion about this post