ഇടുക്കി: മുല്ലപ്പെരിയാര് അണക്കെട്ടിലെ ജലനിരപ്പ് 140 അടിയിലേക്ക്. ജലനിരപ്പ് 139.90 അടിക്കു മുകളിലെത്തി.നീരൊഴുക്ക് കൂടിയതും, തമിഴ്നാട് കൊണ്ടുപോകുന്ന വെള്ളത്തിന്റെ അളവ് കുറച്ചതുമാണ് ജലനിരപ്പ് കൂടാന് കാരണമായത്.
നീരൊഴുക്ക് തുടര്ന്നാല് നാലു മണിക്കൂര് കൊണ്ട് 140 അടിയിലെത്തുമെന്നാണ് പ്രതീക്ഷിക്കുന്നത്്. ബുധനാഴ്ച ജലനിരപ്പ് 139.6 അടിയായിരുന്നു. ചൊവ്വാഴ്ച 139.1 അടിയായിരുന്നു. എന്നാല് 142 അടിയാണ് മുല്ലപ്പെരിയാര് അണക്കെട്ടിന്റെ പരമാവധി സംഭരണ ശേഷി. അണക്കെട്ടിന്റെ വൃഷ്ടിപ്രദേശത്തും തമിഴ്നാട്ടിലും കനത്തമഴ പെയ്ത സാഹചര്യത്തില് മുല്ലപ്പെരിയാര് അണക്കെട്ട് ചൊവ്വാഴ്ച തുറക്കാന് തീരുമാനിച്ചിരുന്നു. എന്നാല് മഴ കുറഞ്ഞതോടെ അണക്കെട്ട് തുറക്കാനുള്ള തീരുമാനം തമിഴ്നാട് ഉപേക്ഷിക്കുകയായിരുന്നു.
സംസ്ഥാനത്ത് വരും ദിവസങ്ങളില് ശക്തമായ മഴയ്ക്ക് സാധ്യതയെന്ന് കാലാവസ്ഥ നിരീക്ഷണ കേന്ദ്രം മുന്നറിയിപ്പ് നല്കിയിട്ടുണ്ട്. ഒറ്റപ്പെട്ട ശക്തമായ മഴയ്ക്കാണ് സാധ്യത. അണക്കെട്ടിന്റെ സുരക്ഷയെക്കുറിച്ച് വീണ്ടും ആശങ്ക ഉയര്ന്നതോടെ ഇതും ചര്ച്ചയായിട്ടുണ്ട്.
Discussion about this post