പ്യോങ് യാങ്: യുദ്ധത്തിനുള്ള തയ്യാറെടുപ്പുകൾ വേഗത്തിലാക്കാൻ ഉത്തരവിട്ട് ഉത്തരകൊറിയൻ നേതാവ് കിം ജോങ് ഉൻ. സൈന്യത്തോട് ആണവായുധങ്ങൾ സജീകരിക്കാനും ആയുധങ്ങൾ തയ്യാറാക്കാനുമാണ് ഉത്തരവ്. ദക്ഷിണകൊറിയയ്ക്ക് പ്രതിരോധശേഷി വർദ്ധിപ്പിക്കാനുള്ള സഹായം അമേരിക്ക വാഗ്ദാനം ചെയ്തതിനെ ഉത്തരകൊറിയയ്ക്കെതിരായ ഏറ്റവും ശത്രുതാപരമായതും ആക്രമണാപരവുമായ നടപടിയെന്നാണ് രാജ്യം വിശേഷിപ്പിച്ചത്. ഇതിന് പിന്നാലെയാണ് യുദ്ധസന്നാഹം.
ഉത്തര കൊറിയയുമായുള്ള സംഘർഷങ്ങളിൽ ദക്ഷിണ കൊറിയയ്ക്ക് പിന്തുണ നൽകുമെന്നും ബൈഡൻ ഉറപ്പ് നൽകിയിരുന്നു. ഇതിന്റെ ഭാഗമായി അമേരിക്കയുടെ ആണവ മിസൈൽ വിക്ഷേപിക്കാൻ ശേഷിയുളള അന്തർവാഹിനി ദക്ഷിണ കൊറിയയിലേക്കെത്തുമെന്നാണ് വിവരം 1980 കൾക്ക് ശേഷം ആദ്യമായാണ് അമേരിക്കൻ ആണവ അന്തർവാഹിനി ദക്ഷിണ കൊറിയയിലെത്തുന്നത്.
Discussion about this post