രാവിലെ മൂടിപുതച്ചുറങ്ങാൻ പാകത്തിനുള്ള കാലവസ്ഥയാണിപ്പോൾ. എന്നാൽ കാലാവസ്ഥ മാറുന്നതിന് അനുസരിച്ച് എപ്പോഴും നമ്മുടെ ആരോഗ്യകാര്യങ്ങളിലും കാര്യമായ മാറ്റങ്ങൾ സംഭവിക്കാം.
ജലദോഷം, ചുമ, പനി പോലുള്ള രോഗങ്ങളാണ് അധികവും മഞ്ഞുകാലത്തെ രോഗങ്ങളായി അധികപേരും കരുതുന്നവ. എന്നാൽ അൽപം കൂടി ഗുരുതരമായ ഹൃദയാഘാതം, പക്ഷാഘാതം പോലുള്ള പ്രശ്നങ്ങൾക്കും മഞ്ഞുകാലത്ത് സാധ്യത കൂടുതലാണെന്നാണ് വിദഗ്ധർ പറയുന്നത്.
തണുത്ത അന്തരീക്ഷത്തിൽ രക്തക്കുഴലുകൾ കൂടുതലായി ചുരുങ്ങുന്നു. ഇത് ബിപി വർദ്ധിപ്പിക്കുന്നു.ഇതോടെയാണ് കാര്യമായും ഹൃദയാഘാത- പക്ഷാഘാത സാധ്യത കൂടുന്നതെന്നത്ര. അതുകൊണ്ട് തന്നെ, മഞ്ഞുകാലത്ത് പ്രമേഹമുള്ളവർ,ബിപിയുള്ളവർ, കൊളസ്ട്രോളുള്ളവർ,അതുപോലെ കുടുംബത്തിലാർക്കെങ്കിലും ഹൃദയാഘാതമുണ്ടായതയ ചരിത്രമുള്ളവർ എല്ലാം ഇക്കാര്യം പ്രത്യേകം ശ്രദ്ധിക്കേണ്ടതാണ്.മഞ്ഞുകാലത്തെ നെഞ്ചരിച്ചിൽ പോലും നിസ്സാരമായി കാണരുതെന്നർത്ഥം.
രാവിലെ തന്നെ വെള്ളം കുടിക്കുക. മഞ്ഞുകാലത്ത് പലരും വെള്ളം കുടിക്കാൻ മടി കാണിക്കാറുണ്ട്. എന്നാൽ ശരീരത്തിലെ ജലാംശം നിലനിർത്തേണ്ടത് ഏറെ പ്രധാനമാണ്. അത് ഹൃദയത്തിൻറെയും മൊത്തം ശരീരത്തിൻറെയും ചർമ്മത്തിൻറെയും ആരോഗ്യത്തിന് നല്ലതാണ്. രാവിലെ തന്നെ വ്യായാമം ചെയ്യുക. ഹൃദയത്തിൻറെ ആരോഗ്യത്തിന് വ്യായാമം നിർബന്ധമാണ്. ദിവസവും കുറഞ്ഞത് 30 മിനിറ്റെങ്കിലും ശരീരം നന്നായി വിയർക്കുന്നവിധം വ്യായാമം ചെയ്യുക. അത് നടത്തമോ ഓട്ടമോ എന്തും ആകാം. അനാവശ്യമായ ടെൻഷനും സമ്മർദങ്ങളും നിയന്ത്രിക്കുന്നത് ഹൃദയാഘാതവും പക്ഷാഘാതവും ഉണ്ടാകാനുള്ള സാധ്യത കുറയ്ക്കും. സ്ട്രെസ് കുറയ്ക്കാൻ രാവിലെ ശ്വസന വ്യായാമങ്ങളും ധ്യാനവും യോഗയുമൊക്കെ ശീലമാക്കാം.
Discussion about this post