ഇടത് കൈയ്യൻമാർ ഇത്ര കേമൻമാരാണോ?; ഇതിന് പിന്നിലെ സത്യമെന്ത്; അറിയാം വിശദമായി

അവൻ ഇടകൈയ്യനാ ആളിത്തിരി കേമനാ എന്ന് ഒരിക്കലെങ്കിലും ആരെങ്കിലും കുറിച്ച് നമ്മൾ കേട്ടിട്ടുണ്ടാവും. ഇടം കൈയ്യൻമാർ വലംകൈയ്യൻമാരേക്കാൾ ബുദ്ധിമാൻമാരാണെന്നും പ്രതിഭാശാലികളാണെന്നും പരക്കെ ഒരു പ്രചരണമുണ്ട്. ഇത് മിത്തോ മിഥ്യയോ സത്യമോ? ശാസ്ത്രജ്ഞന്മാർക്ക് വരെ ഭിന്നാഭിപ്രായമാണ് ഇക്കാര്യത്തിലുള്ളത്.

വലതു കൈ കൊണ്ട് എഴുതുന്നവരെക്കാൾ ബുദ്ധിശാലികളാണ് ഇടത് കൈ കൊണ്ട് എഴുതുന്നവരെന്നാണ് അടുത്തിടെ വന്ന പഠനങ്ങൾ സൂചിപ്പിക്കുന്നത്. ഇടത് കൈ ഉപയോഗിച്ച് എഴുതുന്നവർ വലിയ പ്രതിഭശാലികളാണെന്നും മറ്റു ചില പഠനങ്ങളിൽ പറയുന്നുണ്ട്.

വ്യവസായിയും സാമൂഹ്യപ്രവർത്തകനുമായ ബിൽ ഗേറ്റ്‌സ്, ഫുട്‌ബോളർ ലയണൽ മെസ്സി എന്നിവർ ഇടത് കൈയാണ് എഴുതാൻ ഉപയോഗിച്ചിരുന്നത്. അമേരിക്കൻ പ്രസിഡന്റുമാരായ ജോർജ്ജ് എച്ച്ഡബ്ല്യു ബുഷ്, ബിൽ ക്ലിന്റൺ, ബരാക് ഒബാമ. കൂടാതെ, ഒരു തരത്തിൽ അല്ലെങ്കിൽ മറ്റൊരു തരത്തിൽ ലോകത്തെ പിടിച്ചുകുലുക്കിയ ഒരു കൂട്ടം ആളുകൾ ഇടം കൈയ്യൻമാരായിരുന്നുവത്രേ. മൈക്കലാഞ്ചലോ, ലിയോനാർഡോ ഡാവിഞ്ചി , പോൾ മക്കാർട്ട്നി, ഡേവിഡ് ബോവി, ജിമി ഹെൻഡ്രിക്‌സ്, ജെയിംസ് ബാൾഡ്വിൻ, നിക്കോള ടെസ്ല , ഓപ്ര വിൻഫ്രേ, ബിൽ ഗേറ്റ്സ് എന്നിവരും ഇടം കൈയ്യൻമാരാണ്.

ഇടത് കൈ ഉപയോഗിച്ച് എഴുതുന്നവർക്ക് ഓർമ്മശക്തി കൂടുതലായിരിക്കും. സംഗീതജ്ഞർ, ചെസ് കളിക്കാർ, ആർട്ടിസ്റ്റുകൾ, തുടങ്ങിയവരാണ് കൂടുതലുമായി ഇടത് കൈ ഉപയോഗിക്കുന്നത്. ഇടത് കൈ ഉപയോഗിക്കുന്നവർ കണക്ക് കൈകാര്യം ചെയ്യാൻ വളരെയധികം മിടുക്കരായിരിക്കുമെന്നാണ് പഠനങ്ങളിൽ പറയുന്നത്. ലോകത്തിൽ മുഴുവൻ ജനസംഖ്യയുടെ 10 ശതമാനം മാത്രമാണ് ഇടം കൈയ്യൻമാർ.

എന്നാൽ ഇടം കൈയ്യൻമാർക്ക് പ്രത്യേകത ഒന്നും തന്നെയില്ലെന്നും അപൂർവ്വമായി ഇടംകൈയ്യൻമാർ ഉള്ളത് കൊണ്ട് കഴിവുള്ളവർ ഇടംകൈയ്യൻമാർ ആണെങ്കിൽ അത് ഹൈലൈറ്റ് ചെയ്യപ്പെടുന്നുവെന്നാണ് മറുപക്ഷം. ഇടംകൈയ്യൻമാരേക്കാർ എത്രയോ കഴിവുള്ളവർ വലംകൈയ്യൻമാരണെന്നും ഇക്കൂട്ടർ വാദിക്കുന്നു.

ഇറ്റലിയിൽ ഒരിടയ്ക്ക് 6 നും 17 നും പ്രായമുള്ള 2,300-ലധികം വലത്-ഇടത് കൈ വിദ്യാർത്ഥികളിലെ ഗണിത പ്രാവീണ്യം ഒരു കൂട്ടം ഗവേഷകർ പരിശോധിച്ചു. പഠനമനുസരിച്ച് ഗണിതത്തിലെ ബുദ്ധിമുട്ടുള്ള ചോദ്യങ്ങൾക്ക് ഉത്തരം കണ്ടെത്താൻ ഇടതുകൈയ്യൻമാർ പൊതുവേ മുൻപിലായിരുന്നുവെന്നാണ് പറയുന്നത്. ഇടം കൈയ്യൻമാരോ വലം കൈൻമാരോ കേമൻമാർ എന്ന തർക്കം ഇനിയും തുടർന്നുകൊണ്ടേയിരിക്കും. അതേസമയം നമ്മുടെ ബുദ്ധിയെയും കഴിവിനെയും നിർണയിക്കുന്നത് തലച്ചോറ് ആണെന്ന് ആദ്യം തന്നെ മനസിലാക്കേണ്ടതുണ്ട്. ശരീരത്തിലെ സകലപ്രവർത്തനങ്ങളെയും മ്പ്യൂട്ടർ പോലെ പ്രവർത്തിക്കുന്ന തലച്ചോറ് സൂപ്പർ കമ്പ്യൂട്ടർ പോലെ പ്രവർത്തിക്കുമ്പോഴാണ് നാം അതിബുദ്ധിമാൻമാരാകുന്നതെന്ന് സാരം.മസ്തിഷ്‌കത്തിന് രണ്ടു ഭാഗങ്ങളുണ്ട്. വലതുഭാഗവും ഇടതുഭാഗവും. ശരീരത്തിന്റെ വലതുവശത്തെ തലച്ചോറിന്റെ ഇടതുഭാഗമാണ് നിയന്ത്രിക്കുന്നത്. ശരീരത്തിന്റെ ഇടതുവശത്തെ തലച്ചോറിന്റെ വലതുഭാഗവും. സംസാരം, ഭാഷ, ചിന്താശേഷി, ഓർമ എന്നിവയെല്ലാം നിയന്ത്രിക്കുന്നത് തലച്ചോറിന്റെ ഇടതുഭാഗമാണ്. അതായത് നിങ്ങൾ ഇടം കെെയ്യൻമാരാണെങ്കിൽ അവരുടെ തലച്ചോറിൻ്റെ വലതുവശമാണ്  കേമമായി പ്രവർത്തിക്കുന്നതെന്ന് മനസിലാക്കിക്കോളൂ. വലം കെെയ്യൻമാരാണെങ്കിൽ നേരെ തിരിച്ചും.

നാം ജനിക്കുമ്പോൾ തന്നെ തലച്ചോറിന്റെ വളർച്ച പൂർത്തിയായിരിക്കും. അതുകൊണ്ടാണ് നവജാത ശിശുവിന്റെ തല ഉടലിനേക്കാൾ വലുതായിരിക്കുന്നത്. നാഡീവ്യൂഹത്തെ പ്രധാനമായും രണ്ടായി തരംതിരിച്ചിരിക്കുന്നു. തലച്ചോറും സുഷുമ്‌നാനാഡിയും ചേർന്നതാണ് കേന്ദ്ര നാഡീവ്യവസ്ഥ. തലച്ചോറുമായി നേരിട്ട് ബന്ധമുള്ള 12 ജോഡി കേന്ദ്ര നാഡികളും സുഷുമ്‌നയുമായി ബന്ധപ്പെട്ട 31 ജോഡി സ്‌പൈനൽ നാഡികളും ചേർന്നതാണ് ബാഹ്യ നാഡീവ്യവസ്ഥ. മനുഷ്യശരീരത്തിൽ ഏറ്റവും കൂടുതൽ കൊഴുപ്പിന്റെ സാന്നിദ്ധ്യമുള്ള അവയവും ഇതാണ്. മനുഷ്യശരീരത്തിൽ 100 ബില്യണറിലേറെ നാഡീകോശങ്ങളാണ് ഉള്ളത്. ഈ കോശങ്ങളെ ഒരു ലൈനായി നിരത്തിനിർത്തിയാൽ 600 മൈലോളം നീളമുള്ള കണ്ണെത്താദൂരമുള്ള ഒരു ലൈനായിരിക്കും രൂപപ്പെടുന്നത്.