വേദിയിൽ പിണറായിയെ ഇരുത്തിക്കൊണ്ട് സർക്കാരിനെതിരെ രൂക്ഷ വിമർശനമുന്നയിച്ച എം ടി വാസുദേവൻ നായർക്ക് പിന്തുണയുമായി നടനും സംവിധായകനും ആയ ജോയ് മാത്യു. അധികാരികൾക്ക് മുൻപിൽ റാൻ മൂളി കിട്ടുന്ന പദവിയുടെ താൽക്കാലിക തിളക്കങ്ങളിൽ അല്ല എംടി എന്ന എഴുത്തുകാരൻ ഉന്നത ശീർഷനാകുന്നത് എന്ന് ജോയ് മാത്യു അഭിപ്രായപ്പെട്ടു. ഫേസ്ബുക്കിൽ പങ്കുവെച്ച കുറുപ്പിലൂടെ ആണ് ജോയ് മാത്യു എം ടി വാസുദേവൻ നായർക്ക് പിന്തുണ അർപ്പിച്ചത്.
കഴിഞ്ഞദിവസം നടന്ന കേരള ലിറ്ററേച്ചർ ഫെസ്റ്റിവലിൽ വെച്ചായിരുന്നു എം ടി വാസുദേവൻ നായർ സർക്കാരിനെ രൂക്ഷമായി വിമർശിച്ചത്. മലയാളത്തിൽ നട്ടെല്ലുള്ള ഒരു എഴുത്തുകാരൻ ഉണ്ടെങ്കിൽ അത് എം ടി ആണെന്ന് ജോയ് മാത്യു വ്യക്തമാക്കി. പുസ്തകം കൈകൊണ്ട് തൊടാത്ത സഖാക്കൾക്ക് ഇനിമേൽ എംടി സാഹിത്യം വരേണ്യസാഹിത്യം ആകുമെന്നും അദ്ദേഹം പരിഹസിച്ചു.
ജോയ് മാത്യു പങ്കുവെച്ച ഫേസ്ബുക്ക് പോസ്റ്റിന്റെ പൂർണ്ണരൂപം വായിക്കാം,
എഴുത്തുകാരൻ എന്നാൽ ……
————————
എം ടി എന്ന എഴുത്തുകാരൻ ഉന്നത ശീർഷനാകുന്നത് അധികാരികൾക്ക് മുൻപിൻ റാൻ മൂളിക്കിട്ടുന്ന പദവിയുടെ താൽക്കാലിക തിളക്കങ്ങളിലല്ല ,മറിച്ച് സർവ്വാധികാരിയെന്നഹങ്കരിക്കുകയും ഭയത്താൽ ജനങ്ങളിൽ നിന്നും ഒളിച്ചു നടക്കുകയും ചെയ്യുന്ന
അധികാരികളുടെ മണ്ടയ്ക്കടിക്കുന്ന ചോദ്യങ്ങൾ ചരിത്രബോധത്തോടെ
നേർക്ക് നേർ നിന്ന് ചോദിക്കുന്നത് കൊണ്ടാണ് .
സത്യമായും മലയാളത്തിൽ നട്ടെല്ലുള്ള ഒരു എഴുത്തുകാരൻ ഉണ്ടെങ്കിൽ അത് എം ടി യാണ്.
(പുസ്തകം കൈകൊണ്ട് തൊടാത്ത സഖാക്കൾക്ക് ഇനിമേൽ എം ടി സാഹിത്യം വരേണ്യസാഹിത്യം!)
Discussion about this post