വത്തിക്കാൻ: ലൈംഗിക ആനന്ദം ദൈവത്തിൽ നിന്നുള്ള സമ്മാനമാണെന്ന് ഫ്രാൻസിസ് മാർപ്പാപ്പ.സെന്റ് പീറ്റേഴ്സ് ചത്വരത്തിൽ വിശ്വാസികളെ അഭിസംബോധന ചെയ്യുകയായിരുന്നു അദ്ദേഹം. അശ്ലീല ചിത്രങ്ങൾ ഉണ്ടാക്കുന്ന അപകടങ്ങള കുറിച്ച് സംസാരിക്കുമ്പോഴായിരുന്നു അദ്ദേഹത്തിന്റെ ഈ പരാമർശം. ലൈംഗികത എന്നത് വില നൽകേണ്ട ഒന്നായിരുന്നു. എന്നാൽ, അശ്ലീല ചിത്രങ്ങൾ കാരണം അത് മോശമായി മാറിയിരിക്കുകയാണെന്നും അദ്ദേഹം കൂട്ടിച്ചേർത്തു.
നമുക്ക് പ്രണയത്തെ പ്രതിരോധിക്കണം. അശ്ലീല ചിത്രങ്ങൾക്കെതിരെ വിജയിക്കുക എന്നത് ജീവിതകാലം മുഴുവൻ ചെയ്യേണ്ട ഒരു കാര്യമാണ്. അശ്ലീലം ആസക്തിയായി മാറുമ്പോൾ അത് ഒരാളുടെ പെരുമാറ്റം മോശമായി മാറാൻ കാരണമാകുന്നു. ഇത് അപകടകരമായ ദുഷ്പ്രവണതതയിലേക്കും നയിക്കും. മറ്റുള്ളവരെ കുറിച്ച് ചിന്തിക്കാൻ ഇത് നിങ്ങളെ അനുവദിക്കില്ല. മറിച്ച് സ്വന്തം ആവശ്യത്തിനും സന്തോഷത്തിനും വേണ്ടി മറ്റുള്ളവരെ ഉപദ്രവിക്കാൻ പോലും നിങ്ങളെ പ്രേരിപ്പിക്കുന്നു. അത് പ്രണയ ബന്ധത്തെ പോലും നശിപ്പിക്കുന്നുവെന്ന് അദ്ദേഹം പറഞ്ഞു.
ലൈംഗിക സുഖം ആസ്വദിക്കാമെന്നും എന്നാൽ, പോണോഗ്രഫി പ്രോത്സാഹിപ്പിക്കാനാകില്ലെന്നും അത് വിപരീതഫലങ്ങളായിരിക്കും ഉണ്ടാക്കുകയെന്നും അദ്ദേഹം മുന്നറിയിപ്പ് നൽകി.വൈകാരികമായ ബന്ധമോ അടുപ്പമോ കൂടാതെയുള്ള ലൈംഗിക സംതൃപ്തി ആസക്തിയുടെ അടയാളമാണെന്നും മാർപാപ്പ കൂട്ടിച്ചേർത്തു. വെറും കാമമല്ല സ്നേഹമെന്നും കാമത്തെ അതിജീവിക്കാൻ വലിയ പരിശ്രമം ആവശ്യമാണെന്നും മാർപാപ്പ പറഞ്ഞു.
Discussion about this post