ഇന്ന് ഭക്ഷണവും വായുവും വെള്ളവും പാർപ്പിടവും പോലെ നമ്മുടെ ജീവിതത്തിൽ അത്യന്താപേക്ഷിതമായ സംഭവമാണ് മൊബൈൽ ഫോൺ. സ്മാർട്ട്ഫോൺ കൈയ്യിൽ നിന്ന് താഴെ വച്ചിട്ടുള്ള പരിപാടിയൊന്നും ഇപ്പോൾ നടപ്പില്ല. അത്രയേറെ അവ നമ്മളെ സ്വാധീനിച്ചു കഴിഞ്ഞു. ഉറങ്ങുമ്പോൾ പോലും കൈ എത്തുന്നയിടത്താണ് സ്മാർട്ട്ഫോൺ വിശ്രമിക്കുന്നത്.
സ്മാർ്ട്ട് ഫോണില്ലാതെ ഒരു മാസം ജീവിക്കാൻ പറ്റുന്നവർക്ക് ലക്ഷണങ്ങളാണ് ഒരു കമ്പിനി വാഗ്ദാനം ചെയ്തിരിക്കുന്നത്. സംഭവം ഉള്ളതാണ് പ്രമുഖ യോഗർട്ട് കമ്പനിയായ സിഗ്ഗിസ് ആണ് സ്മാർട് ഫോൺ ഒഴിവാക്കുന്നവർക്ക് ലക്ഷങ്ങൾ നൽകുക. എട്ട് ലക്ഷം രൂപയാണ് കമ്പനി നൽകുക. ഈ കമ്പനിയുടെ ഡിജിറ്റിൽ ഡീടോക്സ് പ്രോഗ്രാമിന്റെ ഭാഗമായിട്ടാണ് ഈ ഓഫർ.
സ്മാർട്ട് ഫോണിന് അപ്പുറമുള്ള യഥാർത്ഥ ജീവിതത്തിൽ ജീവിക്കുക എന്നതാണ് ലക്ഷ്യം. ഈ കമ്പനി നൽകുന്ന ബോക്സുകളിൽ നിങ്ങൾ മൊബൈൽ ഫോൺ പൂട്ടി വെയ്ക്കണം വെർച്വൽ ലോകം ഇല്ലാതെ ചുറ്റുമുള്ള ലോകം ആസ്വദിക്കണം.ഒരു മാസം ഇങ്ങനെ സ്മാർട് ഫോൺ ഇല്ലാതെ കഴിയുന്നവർക്കാണ് 8 ലക്ഷം രൂപ സമ്മാനം നൽകുക.
‘ഡിജിറ്റൽ ഡിറ്റോക്സ്’ പ്രോഗ്രാമിൽ പങ്കെടുക്കുന്നതിന് അപേക്ഷകർ എല്ലാ യുണൈറ്റഡ് സ്റ്റേറ്റിലെ 50 സംസ്ഥാനങ്ങളിലേതിലെങ്കിലും നിയമപരമായ താമസക്കാരായിരിക്കണം. കൂടാതെ കുറഞ്ഞത് 18 വയസ്സ് പ്രായമുണ്ടായിരിക്കണം. എന്തുകൊണ്ടാണ് ഡിജിറ്റൽ ഡിറ്റോക്സ് ആവശ്യമെന്നും അത് അവർക്ക് എങ്ങനെ പ്രയോജനപ്പെടുമെന്നും വിവരിക്കുന്ന ഉപന്യാസം എഴുതി സമർപ്പിക്കണം. വിജയികളെ ഫെബ്രുവരി 15 ന് ഇമെയിൽ വഴി അറിയിക്കും.
Discussion about this post