കണ്ണൂർ: മലയാള സിനിമ ചരിത്രത്തിൽ ആദ്യമായി സിനിമചിത്രീകരണത്തിനായി വീട് നിർമ്മിക്കുകയും ചിത്രീകരണത്തിന് ശേഷം അത് അർഹതപ്പെട്ട കുടുംബത്തിനും കൈമാറുന്ന അപൂർവ്വ ചടങ്ങ് നടന്നു. കണ്ണൂർ തലശ്ശേരിയിലാണ് മലയാള സിനിമ പുതിയ നന്മയേറിയ ട്രെൻഡ് ആരംഭിച്ചത്.
‘ക്രീയേറ്റീവ് ഫിഷിന്റെ’ ബാനറിൽ വിപിൻ പവിത്രൻ നിർമ്മിച്ച് ലിജു തോമസ് സംവിധാനം ചെയ്യുന്ന, ‘അൻപോട് കൺമണി’ എന്ന ചിത്രത്തിന്റെ ചിത്രീകരണം തലശ്ശേരിയിൽ പൂർത്തിയായതിനു ശേഷം, ആ വീടിന്റെ താക്കോൽദാന കർമ്മം സുരേഷ് ഗോപി നിർവഹിച്ചു.
സാധാരണയായി ഷൂട്ടിംഗിനായി ലക്ഷങ്ങളും കോടികളും ചിലവിട്ടാണ് ഒരു സെറ്റ് നിർമ്മിക്കുന്നത്. ഇതിന് പകരം ഒരു വീട് തന്നെ നിർമ്മിക്കുകയായിരുന്നു. തുടക്കത്തിൽ വീടിന്റെ സെറ്റിടാൻ തീരുമാനിച്ചെങ്കിലും ചിത്രീകരണത്തിനു ശേഷം ആ വീട് ഉപയോഗശൂന്യമായി മാറുമെന്നതിനാലാണ് വാസയോഗ്യമായ പുതിയൊരു വീട് നിർമിക്കാനുള്ള തീരുമാനത്തിൽ ഞങ്ങൾ എത്തിച്ചേർന്നത്. പിന്നോക്കവസ്ഥയിലുള്ള ഒരു കുടുംബത്തിന്റെ സ്വന്തമായൊരു വീട് എന്ന് സ്വപ്നം സാക്ഷാത്കരിക്കാൻ ക്രിയേറ്റീവ് ഫിഷിന് സാധിച്ചുവെന്ന് നിർമ്മാതാവ് വിപിൻ പവിത്രൻ പറഞ്ഞു.
അതേസമയം അർജുൻ അശോകൻ കേന്ദ്രകഥാപ്ത്രത്തെ അവതരിപ്പിക്കുന്ന ചിത്രത്തിൽ അനഘ നാരായണൻ, ജോണി ആന്റണി, അൽത്താഫ്, ഉണ്ണിരാജ, നവാസ് വള്ളിക്കുന്ന്, മാല പാർവതി, സംവിധായകൻ മൃദുൽ നായർ എന്നിവരാണ് ചിത്രത്തിലെ പ്രധാന കഥാപാത്രങ്ങൾ.
Discussion about this post