ന്യൂഡൽഹി: ഗ്രാൻഡ് മാസ്റ്റർ ആർ പ്രജ്ഞാനന്ദയുടെ കുടുംബത്തിന് പുതിയ വാഹനം സമ്മാനിച്ച് ആനന്ദ് മഹീന്ദ്ര. കുടുംബത്തിന് പുതിയ ഇലക്ട്രിക് കാറാണ് അദ്ദേഹം സമ്മനമായി നൽകിയത്. വാഹനത്തിന്റെ താക്കോൽ ഏറ്റുവാങ്ങിയതിന് പിന്നാലെ പ്രജ്ഞാനന്ദ ആനന്ദ് മഹീന്ദ്രയ്ക്ക് നന്ദി പറഞ്ഞു.
പ്രജ്ഞാനന്ദ തന്നെയാണ് ആനന്ദ് മഹീന്ദ്ര കാർ സമ്മാനിച്ച വിവരം എക്സിലൂടെ അറിയിച്ചത്. എക്സ്യുവി 400 ഇലക്ട്രിവ് വെഹിക്കിളാണ് അദ്ദേഹം നൽകിയത്. വെള്ളയാണ് ഇതിന്റെ നിറം. ഷോറൂമിൽ നിന്നും കുടുംബ സമേതം ആയിരുന്നു പ്രജ്ഞാനന്ദ വാഹനം കൊണ്ടുപോകാൻ എത്തിയത്.
കഴിഞ്ഞ വർഷം ഓഗസ്റ്റിൽ പ്രജ്ഞാനന്ദയുടെ കുടുംബത്തിന് വാഹനം നൽകുമെന്ന് ആനന്ദ് മഹീന്ദ്ര വ്യക്തമാക്കിയിരുന്നു. ഈ വാക്കാണ് അദ്ദേഹം പാലിച്ചത്. എക്സിലൂടെയായിരുന്നു അദ്ദേഹം വാഹനം സമ്മനമായി നൽകാൻ ആഗ്രഹിക്കുന്നതായി വ്യക്തമാക്കിയത്. ചെസ്സിൽ നേട്ടങ്ങൾ കൊയ്യാൻ പ്രജ്ഞാനന്ദയ്ക്ക് പ്രചോദനം ആകുന്നത് മാതാപിതാക്കളായ ശ്രീമതി നാഗലക്ഷ്മിയും ശ്രീ രമേശ്ബാബുവുമാണ്. അതുകൊണ്ടുതന്നെ ഇവർക്ക് പ്രചോദനം നൽകാൻ താൻ ആഗ്രഹിക്കുന്നു. പ്രജ്ഞാനന്ദയുടെ മാതാപിതാക്കൾക്ക് എക്സ്യുവി 400 ഇലക്ട്രിക് വെഹിക്കിൾ നന്ദി സൂചകമായിവ നൽകണമെന്നാണ് വിചാരിക്കുന്നത് എന്നായിരുന്നു അദ്ദേഹം എക്സിൽ കുറിച്ചത്.
Discussion about this post