ഗാന്ധിനഗർ:ഗുജറാത്ത് തീരത്ത് വൻ ലഹരി വേട്ട. 400 കോടി രൂപയുടെ മയക്കുമരുന്നുകളോടെ ആറ് പേർ പിടിയിലായി. പാകിസ്താനികളെയാണ് പിടികൂടിയത്. നാർക്കോട്ടിക് കൺട്രോൾ ബ്യൂറോ (എൻസിബി), ഇന്ത്യൻ കോസ്റ്റ് ഗാർഡ്, ഗുജറാത്ത് ഭീകരവാദ വിരുദ്ധ സ്വകാഡിന്റെയും സഹായത്തെടെയാണ് ഇവരെ പിടികൂടിയത്. കഴിഞ്ഞ 30 ദിവസത്തിനിടെ ഗുജറാത്ത് തീരത്ത് പിടികൂടുന്ന രണ്ടാമത്തെ വലിയ മയക്കുമരുന്ന് ശേഖരമാണിത്.
ഇന്നലെ രാത്രിയായിരുന്നു സംഭവം. ഗുജറാത്തിലെ പോർബന്തറിന് സമീപം ബോട്ടിൽ മയക്കുമരുന്ന് കടത്തുകയായിരുന്നു പ്രതികൾ. രഹസ്യ വിവരത്തിന്റെ അടിസ്ഥാനത്തിൽ കോസ്റ്റ് ഗാർഡ് ഇന്ത്യൻ സമുദ്രാതിർത്തിയിൽ തന്നെ ഉണ്ടായിരുന്നു. ഇന്ത്യൻ ബോട്ട് ഉപയോഗിച്ച് ഇന്ത്യൻ അതിർത്തിയിലേക്ക് പ്രതികൾ പ്രവേശിച്ചപ്പോൾ അധികൃതർ ഇവരെ അറസ്റ്റ് ചെയ്യുകയായിരുന്നു. ഡൽഹിയിലേക്കും പഞ്ചാബിലേക്കും നിരോധിത മയക്കുമരുന്ന് കടത്താൻ ശ്രമിക്കുകയായിരുന്നുവെന്നാണ് ഗുജറാത്ത് എടിഎസ് പറയുന്നത്.
ഫെബ്രുവരി 28 ന് ഗുജറാത്ത് തീരത്ത് അഞ്ച് പാകിസ്താനികളെ പിടികൂടിയിരുന്നു. ബോട്ടിൽ നിന്ന് 3,300 കിലോഗ്രാം മയക്കുമരുന്നണ് പിടികൂടിയത്. ഈ മരുന്നുകളുടെ രാജ്യാന്തര വിപണി മൂല്യം 2000 കോടിയിലേറെ രൂപയായിരുന്നു. ഇന്ത്യൻ നാവികസേന നടത്തിയ ഏറ്റവും വലിയ ലഹരിവേട്ടയായിരുന്നു ഇത് .
Discussion about this post